Markus 8:12 - Sura Malelaha

¹² Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.”

Markus 8:12 교차 참조

Markus 7:34

Roo indo, mengoami Yesu i langi, hai modii inaona, Nauli, “Tebungkahimi!” (I lalu basanda to Yahudi, Nauli node, “Efata!”)

Matiu 16:4

Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.” Roo indo, Napalehimohe.

Lukasi 19:41

Hungkumi Yesu i Yerusale, Ia mampetiro wanua iti, hai Nateriahi,

Markus 9:19

Nauli Yesu irihira, “Noumbarikau dide? Moapari pane bara mani maroho pepoinalaimi? Hangkia mani kamahaena ina hihimbelaNa hai ikamu? Hangkia mani kamahaena hangangaa Kusabarai peewami? Anti mai anangkoi iti!”

Markus 6:6

Tingkara mpuu Yesu moita kadanda mepoinalai Iria. Roo indo, laomi Yesu molumaohi boea-boea au hungku inditi hai mopaguru tauna.

Markus 3:5

Membalilimi Yesu mototokihe. Rumpumi hai masusa laluNa anti kamatuana lalunda, hai mouliangaami tauna au wara taiena, “Ona taiemu!” Naona mpuumi taiena hai liliu maoha.

Matiu 12:38

Roo indo, bahangkia guru agama hai toParisi mouliangaahe Yesu, “Guru, kipeinao moita tanda kuasa au Nubabehi bona kiisa kahangko i Pue Alana mpuuKo.”

Markus 8:13

Roo indo, Napalehimohe hai mesawi i duanga lao ntanda i orupena rano.