Markus 8:11 - Sura Malelaha

¹¹ Bahangkia toParisi hawe i Yesu mekune-kunehe Iria bona mohaokihe kanawoaNa, rauliangaa, “Babehiangkai tanda kuasa bona tongawa irikami kahangko i Pue AlaMu.”

Markus 8:11 교차 참조

1 Korintu 10:9

Ineeke mopaara karumpuna Pue, nodo au rababehi tauna i olonda hangkoia, alana matehe natilo ile.

Matiu 12:38

Roo indo, bahangkia guru agama hai toParisi mouliangaahe Yesu, “Guru, kipeinao moita tanda kuasa au Nubabehi bona kiisa kahangko i Pue Alana mpuuKo.”

Yohane 4:48

Nauli Yesu i tauna iti, “Ikamu au maida i tampo ide, ane kebarakau moita tanda kuasa, barakau ina mepoinalai!”

Lukasi 11:16

Ara worihe au mampeinao mohaoki kamanawona Yesu. Merapihe i Yesu bona Napopaitaahe tanda kuasa bona tongawa kahangko i Pue Alana.

Suro 5:9

Nauli Peturu, “Moapari hai hampepekirikau hamboko i babehiami iti? Ba nipeinao pae mampetandaka Inaona Pue? Peita! Tauna au hangko roohe motawu tobalilomu, oloumohe i baba. Ina rakowa woriko lao ratawu.”

Yohane 7:48

Peita ane ara hadua tadulakonta ba toParisi au mepoinalai i Yesu!

Yohane 6:30

Rauli mbuli tauna bosa, “Ane nodo, tanda apa au Nupopaitaangkai bona kipoinalai kahangko i Pue Alana mpuuKo? Apa au ina Nubabehi?

Lukasi 10:25

Ara hadua guru agama to Yahudi au mampeinao mampetandaka Yesu. Napekune, “Guru, apa au hangangaa kubabehi bona molambina katuwo maroa au bara mokahopoa?”

Markus 12:15

Mole naisari Yesu tunggaiana lalunda. Ido hai Nauliangaahe, “Moapa hai ina nipakanawoNa? NipopaitaaNa mai doi au biasa nipopobaiari asele bona Kuita.”

Markus 2:16

Inditi arahe bahangkia guru agama au moula paturonda toParisi. Kamoitanda Yesu maande hihimbela hai tauna au kadake babehianda, mekunehe guru agama iti i topeguruNa, rauli, “Moapari pane gurumi maande sambela hai toperuru asele hai tomadosa?”

Matiu 22:23

I alo iti wori, arahe bahangkia toSaduki au hawe i Yesu. Tosaduki iti, iami tadulako agama Yahudi au manguli tauna au mate bara ina rapatuwo hule.

Matiu 22:18

Naisami Yesu tunggaiana lalunda au kadake, ido hai Nauliangaahe, “Modongko mpuukau! Moapa hai nihaoki kamasalana lolitaNgku?

Matiu 22:15

Roo indo, padumohe toParisi hangko i Souna Pue Ala. Mohaokihe akalanda lawi rapeinao molambi kamasalana lolitana Yesu hai pampekunenda.

Matiu 21:23

Roo indo, Yesu mesua i lalu Souna Pue Ala hai mepaturo. Tangana mepaguru, hawemohe kapala-kapala tadulako mpenomba hai totosaenda to Yahudi mekune Iria, rauli, “Nuuliangaangkai, hangko iumba kuasaMu mobabehi ope-ope iti i Souna Pue Ala? Hema au moweiKo kuasa iti?”

Matiu 19:3

Arahe bahangkia toParisi au mai mohaoki kamanawona Yesu, mekunehe, rauli, “Moula atura agamanta, ba peisa mpuu tobalilo mogaa hai towawinena kehapiri bara motoka patoana?”

Yohane 8:6

Tunggaiana pampekunenda iti, mohaoki peahe kamanawona lolitana Yesu bona rasalai. Agaiana Yesu, bara mehana. Motumpa pea mouki i tampo hai karaweNa.

Markus 9:16

Yesu mekune irihira, Nauli, “Apa au nipombehehei hai guru-guru agama iti?”