6 Nahanaihe Yesu, Nauli, “Ane ikamu, i raoana pea peulami i Pue Ala! Tou mpuu lolitana nabi Yesaya hangkoia kana irikamu au manguli node: Nauli Pue Ala: ‘Tauna iti, i humenda pea mobilaNa, agaiana lalunda karao hangko Iriko.
Rauli, moisahe Pue Ala, agaiana modongkohe, lawi babehianda bara hintoto hai apa au rauli. Kadake mpuu babehianda. Barahe matundu i hawana Pue Ala, hai bara rabuku mobabehi apa au maroa.
Ane i petotokinda ranganda, babehianda mampeulai mpuuhe atura-atura agama nodohe tauna au mengkoru i Pue Ala, moleri mosapuakatohe kuasana Pue Ala au peisa mobaliki lalunda. Tauna au nodo babehianda, ineehe nupogaloa.
I olonda tauna bosa, Kubabehi tanda kuasa au bara mani rababehi tauna ntanina. Ane kebara Kubabehi nodo, kebarahe masala. Agaiana i karaitana apa au Kubabehi, ihira mokahihi liliuNa, hai UmaNgku rakahihi wori.
Anti posisalana pelambianda, ido hai magaramohe hangko i poteruhuanda iti. Agaiana hangko damanihe mogaa-gaa, nauliangaahe Paulu node, “Hintoto mpuu apa au nauli Inao Malelaha au napahawe nabi Yesaya i toiorunta hangkoia, node:
