Markus 7:4 - Sura Malelaha

⁴ Ane mesulehe hangko i pobalu-balua, moula adanda hangangaa mendoihe hampai hangko damanihe maande. Hai ngkaia mani ada au radoko hangko i toiorunda au rapeulai ntepuu, pandirina: ada mpobahoi mangko, kori hai anu-anu ntanina au rababehi hangko i tambaga.

Markus 7:4 교차 참조

Ibarani 9:10

Lawi ada iti mokanai pea watanta, nodo ada hai palia i paande hai paenu, hai bahangkia pakana ada mpobahoi wata. Pue Ala moweike ada bona tapeulai tanganta mampegia dandiNa au wou.

Matiu 23:25

Hurewumokau, guru agama hai toParisi! Maroa i raoa peakau! Ikamu nodo hadua tauna au mobahoi paenua hai tabo i raoana pea. Agaiana i lalumi buke pehioro hai dosa.

Yakobu 4:8

Hangangaa hungkukau i Pue Ala bona Ia wori hungku irikamu. Ane ara dosami, hangangaa nipangaku hai nikabaha. Ane morompenga lalumi, hangangaa nipamalelaha.

Yohane 2:6

I sou iti, ara ini mbuana gumba au mahile au rababehi hangko i watu. Gumba iti moihi owai pobahoia taie moula adanda to Yahudi. Kangkaiana ihi haogu gumba iti, ba arato pae hangatu lima pulona kati.

1 Yohane 1:7

Agaiana ane tuwoke i lalu kamabaa, nodo Pue Ala ara i lalu kamabaa, batenta mohintuwu hadua hai hadua, hai wahena Pue Yesu, Anana Pue Ala, ina mobahoike hangko i dosanta.

Matiu 27:24

Kahopoana naita Pilatu barapi ara bunduna mololita irihira, lawi mogewo-gewohe. Ido hai moalami owai napemandoi i lindo tauna bosa hai nauli, “Memandona! Bona niita bara kupesuaki popapatemi tauna ide! Ikamu rai au mohuru.”

Yohane 3:25

Hambela tempo, mombehehemohe bahangkia topeguruna Yohane hai hadua to Yahudi, mampombehanaingi ada mpobahoi moula agamanda.

Matiu 23:26

Ikamu toParisi, nodo mpuukau tobilo! Hangangaa nibahoi hampai laluna paenuami bona malelaha wori i raoana.

Markus 7:8

Mewali, mokingki manirikau ada manusia panekau mampeulai hawana Pue Ala.”