Markus 7:34 - Sura Malelaha

³⁴ Roo indo, mengoami Yesu i langi, hai modii inaona, Nauli, “Tebungkahimi!” (I lalu basanda to Yahudi, Nauli node, “Efata!”)

Markus 7:34 교차 참조

Yohane 11:41

Roo indo, rabungkahimi watu petuko talumbana. Mengoami Yesu i langi, Nauli, “UmaNgku, Kuuli ngkaia kamaroana Irio, lawi Nuhadimi perapiNgku.

Markus 6:41

Roo indo, naalami Yesu roti au lima oguna hai ikane au rombaa iti, mengoa i langi mekakae i Pue Ala. Roo nodo, mobise-bisemi roti iti, pane Naweihe topeguruNa bona rakira-kira i tauna bosa. Hai ikane au rombaa, Nakira-kiraa worihe ope-ope.

Markus 5:41

(Tinuwuna anangkoi iti hampulo hai rompare.) Yesu mokingki taiena anangkoi iti, hai Nauliangaa, “AnaNgku, mearomoko!” I lalu basanda to Yahudi, nodemi lolitaNa, “Talita kum!” Mearomi anangkoi iti hai liliu molumao. Tingkara mpuumohe ope-ope tauna au moita.

Suro 9:34

Nauli Peturu, “Eneas, Yesu Kerisitu mopakaohako! Meangkamoko, hai nulolomi alemu.” Unga pea Eneas meangka.

Yohane 11:33

Yesu moita Maria moteria hai to Yahudi au napohimbelaa moteria wori, ido hai wiora mpuu laluNa.

Markus 15:34

Tinti talu kalumba, meraroami Yesu masisimbuku, Nauli, “Pue AlaNgku! Pue AlaNgku! Moapari hai NupalehiNa?” I lalu basanda to Yahudi, “Eloi, Eloi, lama sabaktani?”

Markus 8:12

Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.”

Suro 9:40

Agaiana ope-ope tauna au ara i lincu iti napopelohohe Peturu, hai molingkudumi mekakae. Roo mekakae, melindomi i tomate iti, hai nauli, “Tabita, mearomoko!” Unga pea tebungkahi matana. Kamoitana Peturu, liliu mohuda.

Yohane 11:43

Roo indo, nauli Yesu masisimbuku, “Lasaru! Mesuwumoko mai!”

Ibarani 4:15

Lawi Tadulako Mpenomba Mahilenta iti moisa kamaledenta. Naisa ntepuu, lawi Ia rakelo worimi i hinangkana nodo ikita, agaiana Ia bara madosa.

Yohane 17:1

Karoona Yesu mopahawe ope-ope iti, mengoami hai mekakae, Nauli, “UmaNgku, hawemi tempona! Popeawamide AnaMu bona AnaMu mampopeawa woriKo Uma.

Yohane 11:38

Hangko inditi, tetambaimi kawiorana Yesu, pane laomi i talumba. (Talumba iti, iami kalolu au rakae i tabingke bulu au ratuko hai watu mahile.)

Yohane 11:35

Teriami Yesu.

Lukasi 19:41

Hungkumi Yesu i Yerusale, Ia mampetiro wanua iti, hai Nateriahi,

Lukasi 18:42

Nauli Yesu, “Meitamoko. Anti pepoinalaimu Iriko, ido hai maohako.”

Lukasi 7:14

Nahungkukimi Yesu popakowaa tomate iti hai Napetobo. Mengkaroomohe tauna au mopakowa. Nauli Yesu, “Anantomoane! Mearomoko!”

Markus 1:41

Ido hai maahimi laluna Yesu moita tauna iti. Mewali Napetobomi hai Nauliangaa, “MauNa. Maohamoko!”

Markus 7:35

Liliu mehadi mpuumi tauna iti, hai maluntumi dilana. Peisami mololita.