Markus 7:22 - Sura Malelaha

²² mebualosi, mampokaelu anu-anuna rangana, hai au mobabehi mampopengaa au kadake. Ara worihe au mepakanawo, nakuasai peundeana laluna au kadake, mahina, mepakadake, mampemahile, hai bara mau modoko paturo.

Markus 7:22 교차 참조

Matiu 20:15

Bara pae peunde-undeakuto mampopobundu doingku? Moapari hai mahinakau i rangami ane maroa lalungku irihira?’ ”

1 Peturu 5:5

Nodo wori ikamu au mangura mani, hangangaa mengkorukau i tosae. Ope-opekau hangangaa mengkaiwoi hai mombetulungi. Lawi: “Pue Ala moewahe tauna au mampemahile, agaiana tauna au mengkaiwoi Natulungihe.”

1 Peturu 2:15

Hangangaa nibabehi nodo, lawi itimi peundeana Pue bona hangko i kamaroana babehiami, tauna au bara moisa Pue barapohe bai mosalaikau.

2 Korintu 10:5

Kuasa iti kipake monangi tauna au mampemahilehe hai kapandenda mohomboki hangka ranganda au mampeinao moisa Pue Ala. Anti karoho au kihumba hangko i Pue Ala, kibaliki lalunda tauna iti bona mengkoruhe i Kerisitu.

Matiu 6:23

Agaiana ane wura matami, makaindi wori humalele watami. Ane hulo au ara i watami mewali makaindi, meruu ntepuu kamakaindina.”

Markus 7:21

Lawi hangko i lalunta, mesupa hinangka pekiri au kadake, alana arahe au mobabehi sala i towawine ba tobalilo, arahe au manangka, mepapate,

Markus 7:23

Ope-ope babehia au kadake iti mesupa hangko i lalunta. Itimi au mopakedai tauna i peitana Pue Ala.”