Markus 7:21 - Sura Malelaha

²¹ Lawi hangko i lalunta, mesupa hinangka pekiri au kadake, alana arahe au mobabehi sala i towawine ba tobalilo, arahe au manangka, mepapate,

Markus 7:21 교차 참조

Matiu 15:19

Lawi hangko i lalunta mesupa hinangkana pekiri au kadake, alana ara au mepapate, mebualosi, metie, manangka, mosabi dongko hai mengkora-ngkora.

Suro 8:22

Menosomoko hangko i tunggaiamu au kadake iti, hai mekakaeko i Pue bona Naampungiko hangko i tunggaiana lalumu au kadake.

Matiu 9:4

Agaiana naisa ntepuu Yesu apa au ara i lalunda. Ido hai Nauliangaahe, “Moapari hai kadakeri pekirimi?

Yakobu 2:4

lempona, mampopontanimokau hangka rangami, hai mampelenggekau tauna moula tunggaiami au kadake.

Lukasi 16:15

Agaiana nauliangaahe Yesu, “Mampemanotokau i peitana tauna, agaiana Pue Ala moisa ihi lalumi. Lawi apa au nahaoki manusia, itimi au nakahihi Pue Ala.

Roma 7:8

Agaiana i kamohadingku parenta au teuki i Aturana Musa, tepakami dosa mokale i lalungku, alana mentumbu i lalungku mampokaelu hinangka anu-anuna rangangku. Ane rapana bara ara Aturana Musa au mopakanoto apa au rauli dosa, dosa iti kebara makuasa mopakanawona.

Suro 5:4

Hangko damani nupobalu tampo iti, oio ampuna. Hai ane nupobalumi, holona oioto wori ampuna. Oio wori au mopakanoto hangkia au nupopenomba. Mewali, noumbari pane ara tunggaiana lalumu mobabehi nodo? Bara tauna au nudongkoki agaiana Pue Alari!”

Roma 7:5

Hangkoia, i kadanta mani mepoinalai i Yesu, tapeinao peami mobabehi au kadake. Hai apa au rakontoake i Aturana Musa, itiri au tapeinao tababehi. Lawi i lalu katuwonta hangkoia, watanta tapake mobabehi dosa, alana hintotoke rahuku mate hai ragaakike hangko i Pue Ala.

Titu 3:3

Lawi hangkoia, makaindi mani lalunta, bara taisa rara au manoto, taliungi AturaNa. I tempo iti, napohawi manike peundeana lalunta au kadake hai katana dunia au mepakanawo. Kadake lalunta, mahinake i ranganta, hai mombekahihi peake.

Markus 7:20

Nauliangaa mbulihe, “Agaiana babehianta, itiri au peisa mopakedaike i peitana Pue Ala, lawi babehianta mesupa hangko i lalunta.

Markus 7:22

mebualosi, mampokaelu anu-anuna rangana, hai au mobabehi mampopengaa au kadake. Ara worihe au mepakanawo, nakuasai peundeana laluna au kadake, mahina, mepakadake, mampemahile, hai bara mau modoko paturo.

Kolose 3:5

Mewali, anti kamatenta hihimbela hai Kerisitu, hangangaa takabaha babehianta hai katuwonta au hangkoia. Ineekau motambi-tambi dele, ineekau mobabehi babehia au merikai. Ineekau mohaoki au kadake, ineekau mampokaelu anu-anuna rangami. Lawi hema au mobabehi iti, himbela hai tauna au menomba i anitu.