Markus 7:20 - Sura Malelaha

²⁰ Nauliangaa mbulihe, “Agaiana babehianta, itiri au peisa mopakedaike i peitana Pue Ala, lawi babehianta mesupa hangko i lalunta.

Markus 7:20 교차 참조

Yakobu 3:6

Nodo wori lolita au tapahawe hai dilanta. Dilanta iti nodo api, lawi peisa tapake mobabehi dake. I watanta ide, dilanta mopaara hinangkana dosa au mopakedai humalele watanta hai dilanta peisa rapandiri nodo api hangko i naraka au mopakarugi ope-ope katuwonta.

Yakobu 4:1

Halalu, moapari pane ara pobungka-bungka hai pombehahanai i olomi? Bara pae hangko i peundeami haduduami au mombeala liliu i lalumi?

Markus 7:15

kehapiri mampopengaa taande, bara iti au mopakedaike i peitana Pue Ala. Babehia au mesupa hangko i lalunta, itiri au mopakedaike i peitana Pue Ala.

Ibarani 7:6

Melkisedek, bara pemuleana Lewi. Agaiana nauri nodo, ia molambi hangkira hampulo hangko i Burahima. Hai nauri Burahima molambi dandina Pue Ala, bara Burahima au mowati Melkisedek agaiana Melkisedekri au mowati Burahima.

Matiu 4:4

Nahanai Yesu, “I lalu Sura Malelaha teuki node: ‘Tauna bara pea tuwo hangko i roti, agaiana tuwo worihe hangko i pampeulainda ope-ope lolita au napahawe Pue Ala.’ ”

Matiu 15:18

Agaiana lolitanta au kedai au hangko i lalunta hai mesuwu i humenta, itimi au mopakedaike i peitana Pue Ala.

Markus 7:21

Lawi hangko i lalunta, mesupa hinangka pekiri au kadake, alana arahe au mobabehi sala i towawine ba tobalilo, arahe au manangka, mepapate,

Markus 7:23

Ope-ope babehia au kadake iti mesupa hangko i lalunta. Itimi au mopakedai tauna i peitana Pue Ala.”