Markus 7:19 - Sura Malelaha

¹⁹ Paande au mesua iti bara mopakedai pekirinta. Lawi paande iti mesua pea i lalu tainta, hai hangko inditi liliu tatende.” Hai lolita iti, Napakanotomi Yesu kadana ara paande au rapalia.

Markus 7:19 교차 참조

Matiu 15:17

Paande au mesua i lalu nganganta liliu mesua i lalu tainta, hai hangko inditi tatende. Bara iti au mopakedaike i peitana Pue Ala.

1 Korintu 6:13

Ara wori lolita, “Paande mobundu i tainta, hai tai mobundu rapoihii paande.” Tou lolita iti, agaiana hambela tempo hinangkana iti ina napatuna Pue Ala. Agaiana watanta ide bara napopewali Pue Ala bona mebualosike. Watanta hangangaa tapake mobabehi peundeana Pue. Iami ampuna watanta.

Suro 11:9

Kuhadi mbuli wotu iti mouliangaana: ‘Apa au nauli Pue Ala maroa, inee nuuli kedai.’

Suro 10:15

Nauli mbuli wotu iti i Peturu, “Apa au nauli Pue Ala maroa, inee nuuli kedai moula ada agamamu.”

Lukasi 11:41

Apa au ara irikamu hangangaa niweihe tauna au meahi-ahi tuwonda. Ane nodo nibabehi, ina mewali mpuukau tauna au malelaha.

Kolose 2:16

Halalu, arahe tauna au rapeinao mopari-parikau moula ada agamanda. Rasalaikau lawi barakau mampeulai palianda kana i paande hai i paenu. Rasalai worikau lawi barakau moula ada alo mahile agama Yahudi, nodo alo mahile wula wou hai palia mobago i Alo Pengkarooangaa. Ineekau mampeulai paturonda kana i atura iti.

Markus 7:18

Nauliangaahe, “Bara wori pae niisa lempona? Paande au mesua i lalu nganganta, bara iti au mopakedaike i peitana Pue Ala.