Markus 6:56 - Sura Malelaha

⁵⁶ Iumba pea kalaoana Yesu, i boea mahile ba i boea au kokoi, moantihe ranganda au mahai rawoli i pobalu-balua, pane merapihe i Yesu bona Ia peisa ratobo, nauri wuntu baduNa pea. Hai ope-ope au motobo baduNa, liliu maoha mpuumohe.

Markus 6:56 교차 참조

Matiu 9:20

I tempo iti i tanga mpolumaonda, ara hadua towawine au hampulomi hai rompare mantodiha nahumba. Towawine iti lao mohungkuki Yesu hangko i taleu hai natobo wuntu baduNa,

Lukasi 6:19

Tauna bosa iti mopari-parihe motobo Yesu, lawi ara kuasa au mesuwu hangko i wataNa au mopakaohahe ope-ope tauna.

Suro 5:15

Ngkaia tanda kuasa au rababehi suro iti, ido hai bosa tomahai raanti hai rapopaturuhe i ale i wiwi rara. Rababehi nodo lawi raharunga ane Peturu moliu inditi, nau bao-baona pea kana watanda tomahai iti, batenda maoha.

Suro 4:12

Hangko inditi, nauli mbulimi Peturu, “Bara ara rara ntani molambi katuwo maroa hangko i Pue Ala, batena pea Yesu. Lawi i humalele dunia ide, bara ara tauna ntanina, batena pea Yesu au natudu mai Pue Ala i manusia, hai Ia pea au Nabuku mohoremake hangko i huku dosanta.”

Suro 4:9

Anti popakaohangki tauna au palu, ido hai niparesangkai i alo ide, hai nipeinao wori niisa noumba pepakaohangki.

Lukasi 22:51

Nauli Yesu, “Handami!” Hai liliu motobo talingana hawi iti pane maoha.

Lukasi 8:44

Maimi towawine iti mohungkuki Yesu hangko i taleu hai natobo wuntu baduNa. Kanapetobona, unga pea teompo wahena.

Matiu 14:36

Merapihe i Yesu, rauli, “Ane peisa, huba wuntu baduMumi kipetobo.” Mewali ope-ope tauna au motobo baduNa, liliu maoha mpuumohe.

Markus 6:55

Melangkamohe lao i boea-boea au hungku, hai ope-ope tomahai raanti lao i Yesu. Iumba pea kaarana Yesu rahadi, inditimohe tauna moanti ranganda au mahai.