Markus 6:51 - Sura Malelaha

⁵¹ Roo indo, mesawimi Yesu i duanganda, liliu himburu kebuu iti mengkaroo. Rumihi mpuu katingkaranda hai wulihe.

Markus 6:51 교차 참조

Markus 4:39

Mearomi Yesu, liliu mokambaroa himburu hai balumba, Nauli, “Pengkaroo himburu! Tindamoko balumba!” Mengkaroo mpuumi himburu, hai unga pea lene rano.

Yohane 6:21

Kamohadinda wotuna Yesu, matanamohe hai rakakiomi mesawi i lalu duanganda. Pesawina Yesu i lalu duanga, unga peahe hawe i wiwi rano au ratunggai.

Markus 7:37

Tingkara mpuuhe tauna bosa, rauli, “Hinangka au Nababehi, maroa haha. Tauna au bongo Napakaoha! Tauna au bara peisa mololita, mololitamohe!”

Markus 6:32

Mewali, mesawimohe i duanga lao i paidaa au boa.

Markus 4:41

Tingkara mpuuhe topeguruNa, hai molololitahe hadua hai hadua, rauli, “Hemari tauna ide! Mogalo himburu hai balumba moula hawaNa!”

Markus 2:12

Mearo mpuumi topalu iti, mololo alena, hai molumaomi lao i olonda tauna bosa. Karaitana tauna bosa apa au mewali iti, tingkaramohe ope-ope, hai motoiahe Pue Ala, rauli, “Bara mani hambela taita au mewali nodo!”

Markus 1:27

Tingkaramohe ope-ope tauna au moita iti, hai molololitahe, mombekune hadua hai hadua, rauli, “Apa wei dide? Ide paturo wou, hai tauna ide makuasa ntepuu! Mogalori tokadake, mampeulaihe hawaNa!”

Matiu 8:10

Tingkarami Yesu mohadi lolitana tadulako surodado iti. Ido hai Napembalilingihe au meula Iria, Nauli, “Mahile mpuu pepoinalaina tauna ide! Kehapiri i to Isaraeli, bara mani ara hadua Kuhumba au mahile pepoinalaina nodo tauna ide au bara to Yahudi.