Markus 6:48 - Sura Malelaha

⁴⁸ I tempo iti, Yesu moita topeguruNa au tanganda moduanga i rano, mapari rahadi mobohe, lawi himburu mewui mai hangko i lindo duanganda. Hungku mabaa, Yesu molumao i wongko owai monontohihe, nodohe ina Napehindorungi.

Markus 6:48 교차 참조

Lukasi 24:28

Hungkumohe mehupe i boea au ratunggai, mepehindorungimi Yesu nodo au ina mopaliliu polumaona.

Lukasi 12:38

Morasi mpuuhe hawi au mepegia hai masilolonga i kahawena ampunda, kehapiri i laembengi ba liu hangko indo.

Yohane 1:13

Mewalihe anana Pue Ala bara hangko i ulu bubunda, ba anti posamboko tauna ba anti i peundea manusia. Batena pea mpuu Pue Ala au mampopewalihe anaNa.

Matiu 14:24

I tempo iti, topeguruNa i tanga ranomohe, karaomi hangko i lore. Duanganda narumpa balumba, lawi rumihi ntepuu himburu au mewui hangko i lindo duanganda.

Matiu 24:43

“Hangangaa nipailalu ngkora pandiri ide: ane naisa ami ampu sou, impira kahawena topanangka, batena mainga-inga, bara napogiangaa mesua i lalu souna.

Markus 6:47

Laembengimi, topeguruNa i tanga ranomohe. Agaiana, Ia ara mani i lore haduduaNa.

Markus 6:49

Karaitana topeguruNa ara tauna au molumao i wongko owai, monganga-ngangahe anti kalanganda, rauli, “Tanoana, tanoana!”

Markus 13:35

Mewali, ikamu wori hangangaa mainga-ingakau bona ane unga pea hawe ampu sou barakau nalambi tangami leta, lawi bara niisa ba impira kahaweana ampu sou, ba kalumba ba i tanga kaindi ba hungku mabaa ba madondo-dondo. Hangangaa mainga-ingakau, lawi bara niisa impira kahaweaNgku.