Markus 6:30 - Sura Malelaha

³⁰ I pesulenda suro au natudu Yesu lao mobambari Ngkorana Pue Ala, rapahawemi i Yesu ope-ope au rababehi hai au rapaturoa tauna bosa.

Markus 6:30 교차 참조

Lukasi 9:10

I pesulenda topeguruna Yesu au hampulo hai rodua, mopahawehe i Yesu ope-ope au rababehimi i boea-boeana. Roo indo, Yesu moanti topeguruNa lao i paidaa au boa hungku i boea Betsaida. Tunggaiana Yesu bona mopalehihe tauna bosa.

Matiu 10:2

Hanganda surona Pue Yesu au hampulo hai rodua iti, idemohe: Au nguru-nguruna Simo, au rahanga wori Peturu; roo indo, Andaria adina Simo, Yakobu anana Sebedeus, Yohane adina Yakobu, Pilipu, Bartolomeus, Tomas, Matiu toperuru asele, Yakobu anana Alfeus, Tadeus, Simo to Selot, hai Iskariot au mampobalu Yesu.

Lukasi 22:14

Hawemi temponda moande paande Pasa, mohudami Yesu hai topeguruNa au hampulo hai rodua i sou iti.

Lukasi 17:5

Rauli topeguruNa, “Pue, pakarohoa wongkamia pepoinalaingki!”

Lukasi 10:17

Bahangkia kamahaena hangko indo, mesulemohe topeguruNa au pitu pulona. Matana mpuu lalunda, hai rauli i Yesu, “Pue, mogalori seta, mengkoru worihe irikami, hai kipopelohohe i lalu hangaMu.”

Suro 1:26

Roomohe mekakae, motendemohe dadu hai au kana dadu, iami Matias. Ia raangka mewali surona Pue Yesu bona handahe hampulo hai rodua nodo au nguru-nguruna.

Lukasi 24:10

Towawine iti, iami Maria Magdalena, Yohana, hai Maria inana Yakobu, hai ara worihe towawine ntanina au hihimbela hai ihira.

Lukasi 6:13

Mesupami alo, Nakakiomohe tauna au meula Iria, hai Napileihe hampulo hai rodua hangko i olonda. Ihira itimi au Napakanoto Yesu bona mewali suroNa au mobambari Ngkora Marasa i tauna bosa.

Markus 3:14

Napileimi hampulo hai rodua hangko i olonda au Napopewali suroNa, Nauliangaahe, “Kupileikau bona niporangaiNa. Ina Kutudukau lao mopahawe Ngkora Marasa,

Markus 6:29

Karahadina topeguruna Yohane apa au mewali iti, laomohe mangala watana Yohane hai ratawu.