Markus 6:15 - Sura Malelaha

¹⁵ Agaiana ara wori au manguli, “Yesu iami nabi Elia.” Hai ara wori au manguli, “Ia hadua nabi, nodo nabi au hangkoia.”

Markus 6:15 교차 참조

Matiu 21:11

Rahanai tauna au hihimbela hai Ia, “Idemi Yesu, hadua nabi hangko i Nasare i tampo Galilea.”

Markus 8:28

Rahanai topeguruNa, “Arahe au manguli Yohane Toperiu au tuwo hule. Ara worihe au manguli nabi Elia. Ara worihe au manguli Oio hadua nabi au tuwo hangkoia.”

Matiu 16:14

Rahanai topeguruNa, rauli, “Arahe au manguli kaOiona Yohane Toperiu au tuwo hule. Ara worihe au manguli Oio hadua nabi au tuwo hule, nodo nabi Elia, nabi Yeremia, ba nabi au ntanina.”

Yohane 9:17

Hangko inditi, mekune mbulimohe i tobilo iti, rauli, “Ane oio, apa au nuuli, lawi Napakaohami matamu.” Nauli tobilo iti, “Manoto Ia hadua nabi.”

Yohane 7:40

Tauna bosa au mohadi lolitana Yesu, arahe hanggaa au manguli, “Ia mpuumi Nabi au nadandi Pue Ala hangkoia.”

Yohane 6:14

Karaitana tauna bosa tanda kuasa iti, mololitamohe hadua hai hadua, rauli, “Ia mpuumi nabi au radandi hangkoia, au rauli ina mai i dunia!”

Yohane 1:21

Mekune mbulihe, “Ane nodo, hemariko? Ba nabi Eliako?” Nauli Yohane, “Bara.” Mekune mbulihe, rauli, “Ba oiomi nabi mahile au radandi hangkoia au rauli ina mai i dunia?” Nauli Yohane, “Bara wori iko.”

Lukasi 9:19

Rahanai, “Arahe au manguli Yohane Toperiu. Ara worihe au manguli nabi Elia. Ara worihe au manguli Oio hadua nabi hangkoia au tuwo hule.”

Lukasi 9:8

Ara wori au manguli, “Yesu iami nabi Elia au hawe mbuli.” Hai ara wori au manguli, “Yesu iami hadua nabi hangkoia au tuwo hule.”

Lukasi 7:39

Kanaitana Simo apa au nababehi towawine iti, nauli laluna, “Ane tauna ide tou-tou mpuu hadua nabi, hangangaa Naisa kahemana towawine au motobo, hai hangangaa Naisa wori kadana maroa babehiana.”

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Lukasi 1:17

Anamu iti, ina mewali suro au hawe ioru hangko i Pue. Kamarohona hai kuasana nodo nabi Elia hangkoia. Anti kuasana hai pepaturona, ia ina mopahintuwu anangkoi hai umanda. Hai tauna au barahe meula i Pue ina nanini hule i rara au manoto. Ope-ope au nababehi iti, ina mopasilolonga lalunda tauna bosa bona motarimahe Pue.”

Markus 6:16

Kanahadina Datu Herode bambari iti, nauli, “Manotomi iriko Ia iti Yohane Toperiu! Hangkoia kutudumi tauna mobohoki tambolona, agaiana ide-ide tuwo hule.”