Markus 6:14 - Sura Malelaha

¹⁴ I tempo iti, Datu Herode Antipas mohadi apa au nababehi Yesu, lawi tebambarimi hangaNa iumba-umba pea. Ara au manguli, “Yesu iami Yohane Toperiu au tuwo hule hangko i kapate! Ido hai ara kuasaNa mobabehi tanda kuasa au metingkarai.”

Markus 6:14 교차 참조

1 Tesalonika 1:8

Lawi hangko irikamu, Ngkorana Pue tebambari i humalele Makedonia hai Akaya. I raoa hangko indo, pepoinalaimi i Pue Ala rapololita iumba-umba pea. Mewali, ampu boea i ope-ope boea au kikalaongi moisa noumba kanidokongki. Ikami barapongkai paraluu mopahawe ba apa-apa, lawi tauna iti mohadimohe bambari au manguli kanikabahanami menomba i anitu, katebalikina lalumi hai pengkorumi i Pue Ala au manoto hai au tuwo.

Lukasi 13:31

I tempo iti, arahe bahangkia toParisi au mai i Yesu, rauliangaa, “PadumoKo hangko inde, hai laomoKo i boea ntanina, lawi ara tunggaiana Datu Herode mopapateKo.”

Lukasi 3:1

Hampulomi hai lima parena Kaisar Tiberius moparenta i wanua Roma, Pontiu Pilatu mewali gubernur i tampo Yudea, hai Herode Antipas au moparenta i Galilea. Pilipu, halaluna Herode, moparenta i Iturea hai i Trakonitis, hai Lisanias moparenta i Abilene.

Markus 8:28

Rahanai topeguruNa, “Arahe au manguli Yohane Toperiu au tuwo hule. Ara worihe au manguli nabi Elia. Ara worihe au manguli Oio hadua nabi au tuwo hangkoia.”

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Markus 1:28

Hangko inditi, bambari kana i Yesu rapahawemi i humalele tampo Galilea.

Matiu 9:31

Agaiana lao peahe i humalele tampo iti mobambari apa au nababehi Yesu irihira.

Lukasi 9:19

Rahanai, “Arahe au manguli Yohane Toperiu. Ara worihe au manguli nabi Elia. Ara worihe au manguli Oio hadua nabi hangkoia au tuwo hule.”

Ibarani 2:4

Hai Pue Ala mopakaroho ntepuu posabinda, lawi Naweihe kuasa mobabehi ngkaia pakana tanda kuasa hai tanda au metingkarai. Hai Nawei worihe kapande au montani-ntani hangko i Inao Malelaha moula peundeaNa.

Lukasi 7:17

Bambari iti tehawuka i humalele tamponda to Yahudi hai i ope-ope boea au hungku.