Markus 6:12 - Sura Malelaha

¹² Karoona Yesu mopaguruhe topeguruNa au hampulo hai rodua, meangkamohe lao mopaguru tauna bosa bona menosohe hangko i dosanda.

Markus 6:12 교차 참조

Matiu 4:17

Mepongka hangko indo, Yesu mopahawe lolitaNa, Nauli, “Nipenosoimide dosami, lawi ina hawemi poparentana Pue Ala i dunia.”

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Suro 11:18

Karahadina lolitana, barapohe mosalai Peturu. Hai motoiamohe Pue Ala, rauli, “Ide-ide tongawami irikami, Pue Ala modoko worihe tauna au barahe to Yahudi, hai Naweihe katepaka menoso hangko i dosanda duunda molambi katuwo maroa au bara mokahopoa.”

Suro 2:38

Nahanai Peturu, “Hangangaa menosokau hadua-hadua hangko i dosami, hai hangangaa rariukau i lalu hangana Yesu Kerisitu. Ane nodo, Pue Ala ina moampungi dosami, hai Naweikau Inao Malelaha.

Lukasi 13:3

Bara! Agaiana ane barakau menoso hangko i dosami, batena worikau rahuku.

Lukasi 11:32

Nodo wori i alo pebotusi i kahopoa dunia, ampu boea Niniwe ina rapatuwo hule hihimbela hai ikamu au tuwo ide-ide, hai ihira ina motudungiakau salami, lawi menosomohe hangko i dosanda i pohadinda lolitana nabi Yunu. Agaiana ide-ide arami i olomi au meliu kamahilena tuwoNa pane nabi Yunu, hai bara nipoinalai lolitaNa.”

Matiu 3:8

Ane tou-tou menosokau hangko i dosami, nibabehimide babehia au maroa.

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Suro 26:20

Ido hai kupahawe i ope-ope tauna, hangangaa mampenosoihe dosanda hai mengkoruhe i Pue Ala, hai hangangaa mobabehihe apa au maroa bona tongawa penosonda. Nguru-nguruna bambari iti kupahawe i wanua Damsik, roo indo i Yerusale hai i humalele tampo Yudea, hai i tauna ntanina au barahe to Yahudi.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Lukasi 24:47

Ope-ope tauna hangangaa menoso hangko i dosanda, bona naampungihe Pue Ala, anti kanapahurunda Datu Topehompo. Bambari iti hangangaa rapahawe i humalele dunia, mepongka i Yerusale.

Lukasi 15:10

Nodo wori kamatananda malaekana Pue Ala mampokatana hadua tomadosa au menoso hangko i dosana.”

Lukasi 15:7

Nodo wori i suruga, ane hadua tauna au madosa menoso hangko i dosana, melumbu kamatanana Pue Ala mampokatana tauna iti pane hahio pulona hai hahio tauna au manoto au bara paraluu menoso.”

Lukasi 13:5

Bara! Agaiana ane barakau menoso hangko i dosami, batena worikau rahuku.”

Markus 1:15

Nauli, “hawemi tempo au napakanoto Pue Ala; poparentaNa ina hawemi! Menosomokau hangko i dosami hai nipoinalaimide Ngkora Marasa.”

Matiu 11:20

Hangko inditi, Yesu mokambaroa to Yahudi au maidahe i bahangkia wanua i tampo Galilea, lawi nauri paka Nababehiahe tanda kuasa i boeanda, bara mpuuhe menoso hangko i babehianda au kadake.

Matiu 9:13

BaraNa mai mokakio tauna au manoto babehianda. Kamaingku ide, mokakioNa tomadosa bona menosohe hangko i dosanda. Mewali, nipekiri hampai apa lempona Ngkorana Pue Ala au teuki node: ‘Bara Kuperapi binata au nipopenomba Iriko. Au Kuperapi bona maahikau i hangka rangami.’ ”

Lukasi 9:6

Karoonda napaturo Yesu, meangkamohe lao i boea-boeana mobambari Ngkora Marasa hai mopakaohahe tauna au mahai iumba pea.

Markus 1:3

“Iami au monganga-nganga i pada wungi, nauli, ‘Ina hawemi Pue! Nipasilolonga raraNa. Nipakanoto rara au ina Napoliungi.’ ”

Matiu 11:1

Karoona Yesu mopaturo topeguruNa au hampulo hai rodua, Ia laomi mepaturo hai mobambari Ngkora Marasa i boea-boea au hungku.