Biblia Todo Logo
온라인 성경

- 광고 -




Markus 6:11 - Sura Malelaha

11 Ane ara ampu boea au barakau radoko ba au barahe madota mampehadingi lolitami, nipalehi boea iti, hai nitaronta awu au mentaka i palanta bitimi, iti tandana barapi ikamu au mohuru ane Nahukuhe Pue Ala.”

장을 참조하십시오 복사




Markus 6:11
20 교차 참조  

Agaiana to Yahudi i wanua Korintu mosapuaka hai mopakoi liliuhe paturona. Ido hai Paulu motaronta awu hangko i hampina hai nauliangaahe, “Ane nahukukau Pue Ala, barapi iko au mohuru! Batenami ikamu! Mewali mepongka ide-ide, kupalehimokau, laomona mobambari Ngkora Marasa i tauna au barahe to Yahudi!”


Nikatuinao wori wanua Sodomo hai Gomora hangkoia hai boea ntanina au hungku. Ampu boea iti mobabehihe nodo au rababehi malaeka au kupololita inona. Mebualosihe, mobabehihe sala hai ngkaia babehianda au merikai, alana boeanda rahuwe. Pehukuna Pue Ala i to Sodomo hai to Gomora iti mewali pandiri i ope-ope tauna, hai peisa rapandiri nodo api au bara ara kahopoana au mohuku ope-ope tauna au kadake babehianda.


Ane mampokaahike halalunta moula peundeana Pue Ala, barake langa i Pue Ala i alo pebotusi. Ina baike mampombelindoa Pue Ala, lawi apa au tababehi i lalu dunia ide moula apa au nababehi Kerisitu.


Langi hai tampo au ara hawe ide-ide nakadipura Pue Ala hai NgkoraNa duuna i alo pebotusi. I tempo iti, langi hai tampo ide ina Nagero Pue Ala hai api, hai ope-ope tauna au bara mengkoru Iria ina Nahuku.


Mewali, hangko i ope-ope pandiri au kupahawe inona, tongawami kuasana Pue Ala motulungi tauna au menomba Iria datihe napakanawo pekelo. Hai tongawa wori kuasaNa mohuku ope-ope tauna duuna hawe alo pebotusi.


Nodo wori hangkoia Pue Ala mohuku to Sodomo hai to Gomora hangkoia lawi madosahe. Boeanda Nagero hai api bona kaNahukuna wanua iti mewali pepopainga i tauna au barahe mengkoru Iria.


Nodo wori i alo pebotusi i kahopoa i dunia. I tempo iti, Pue Ala ina mowei kuasa i Yesu Kerisitu bona mobotusi ope-ope au tewuniangi i laluna manusia. Itimi Ngkora Marasa au kubambari.


Anti kamatuana lalumi, hai anti kadami mau mobaliki babehiami au kadake, ina mantimi hukumi i alo pebotusi. I alo pebotusi iti, Pue Ala ina mobotusi ope-ope i kanoto-notoana hai mohuku ope-ope tauna au kadake babehiana.


Ane hawekau i boea hai barakau radoko ampu boea, nipalehi boea iti, hai nitaronta awu au mentaka i palanta bitimi, tandana barapi ikamu au mohuru ane Pue Ala mohukuhe.”


Mewali bona niisa: i alo pebotusi i kahopoa dunia, ope-ope tauna hangangaa mopangaku ope-ope lolitanda. Kehapiri lolita au bara mobundu, hangangaa rapangaku.


Nauli wori, “Ane hawekau i hambua boea hai arahe tauna au modokokau i sounda, maidamokau inditi duumi meangka lao i boea ntanina.


우리를 팔로우하세요:

광고


광고