Markus 5:40 - Sura Malelaha

⁴⁰ Karahadina, raele-eleri. Hangko indo, Yesu motuduhe ope-ope tauna meloho hangko i lalu sou, pane mesuami i paturuana anangkoi iti hihimbela hai tosaena anangkoi iti, hai topeguruNa au talu.

Markus 5:40 교차 참조

Suro 17:32

I karahadina lolitana Paulu, arahe au moele-ele, lawi barahe mampoinalai kaarana tauna au peisa tuwo hule. Agaiana, ara worihe au manguli, “Kiunde mampehadingi mbuli lolitamu iti.”

Lukasi 16:14

Karahadina toParisi lolitana Yesu, raele-eleri, lawi mohahaoki peahe doi.

Matiu 7:6

Roo indo, Yesu mopahawe ngkora pandiri ide, Nauli, “Ineekau mowei paande au maroa i dike, kahopoana napenggoliikau nakeki. Ineekau mowei apa au masuli i boe bona dati napangka-pangka mbero pea.”

Matiu 15:11

Paande au mesua i nganganta, bara iti au mopakedaike i peitana Pue Ala. Lolita au mesuwu hangko i humenta, iti au mopakedaike i peitana Pue Ala.”

Markus 5:39

PesuaNa i lalu sou, Nauliangaahe, “Moapari hai mogewo-gewokau hai rumihi poteriami? Ia bara mate. Leta pea.”

Markus 5:41

(Tinuwuna anangkoi iti hampulo hai rompare.) Yesu mokingki taiena anangkoi iti, hai Nauliangaa, “AnaNgku, mearomoko!” I lalu basanda to Yahudi, nodemi lolitaNa, “Talita kum!” Mearomi anangkoi iti hai liliu molumao. Tingkara mpuumohe ope-ope tauna au moita.