Markus 4:31 - Sura Malelaha

³¹ Poparentana Pue Ala nodo lihu hahawi i lalu ngkora pandiri ide: Ara hadua tauna au mohawu lihu hahawi i bondena. Lihu hahawi iti manete ntepuu, kamanetena meliu hangko i ope-ope lihu au peisa rahawu.

Markus 4:31 교차 참조

Suro 19:20

Mewali, hangko i pewalina au metingkarai iti, katetetambaiami tauna au mampehadingi Ngkorana Pue, hai anti kuasana Ngkora iti, tetambai wori tauna au mepoinalai.

Suro 21:20

Karahadina lolitana Paulu, motoiamohe Pue Ala. Hangko inditi, mopahawehe lolita ide i Paulu, rauli, “Halalu bona nuisa, isabunami halalunta to Yahudi au mepoinalai i Yesu. Hai mampeulai mani worihe Aturana Musa hangko i lalunda.

Suro 5:14

Hai katetetambaiamohe tauna au mepoinalai i Pue Yesu, maroa tobalilo maroa towawine.

Suro 4:4

Agaiana tauna au mampehadingi paturonda Peturu hai Yohane i Souna Pue Ala, bosamohe au mepoinalai i Yesu, alana tetambai kabosanda tauna au mepoinalai duuna handahe lima sabuna tobalilo.

Suro 2:41

Bosa tauna au mampoinalai lolitana Peturu, pane laomohe rariu. I alo iti, kabosana tauna au mepoinalai i Yesu, tetambaimi ba aramohe pae talu sabuna.

Pampetudungia 11:15

Malaeka au kapitu motawuemi tatamburuna. Hai arahe au monganga-nganga i lalu suruga, rauli, “Ide-ide poparenta i dunia i taienami Pue Ala himbela hai Datu Topehompo au Napileimi bona Pue Ala moparenta i hae-haena.”

Markus 4:30

Nauli Yesu, “Ane poparentana Pue Ala hawe i dunia, peisa tapandiri nodo apa?

Markus 4:32

Agaiana ane rahawu, hai tuwo, meliu kapangkana hangko i tuda-tuda au ntanina. Tuwo nodo hampoa kau au peisa rapoharai hai rapeongai tadasi.”

Lukasi 17:6

Nahanai Yesu, “Ane arami pepoinalaimi nauri kokoi pea nodo lihu hahawi, peisakau mouliangaa kau mahile ide: ‘Mawukamoko hangko inde, hai melimbako i tahi!’ hai batena ina mewali moula hawami.”