Markus 4:26 - Sura Malelaha

²⁶ Mololita mbuli Yesu, Nauli, “Ane hawemi poparentana Pue Ala i dunia, pewalina nodo ngkora pandiri ide: hadua tauna lao motudai bondena.

Markus 4:26 교차 참조

Matiu 13:24

Napahawe mbuli Yesu hampaka ngkora pandiri i tauna bosa, Nauli, “Poparentana Pue Ala nodo ngkora pandiri ide: hadua topobonde lao mohawu tinuda au maroa i bondena.

Lukasi 8:11

Idemi lempona ngkora pandiriKu inona: tinuda au rahawu iti, lempona Ngkorana Pue Ala.

Lukasi 8:5

“Ara hadua topobonde au lao mohawu. I pohawuna iti, ara tinuda au manawo i rara. Tinuda iti rapangka-pangka tauna hai ratilo tadasi duuna ope.

Yakobu 3:18

Tauna au mohaoki pohintuwu, babehianda moula mpuu peundeana Pue Ala.

Yohane 12:24

Tou mpuu lolitaNgku ide: Iko peisa rapandiri nodo haogu pare. Hangangaa ratuda hai mate, hangko arari wuana au ngkaia. Ane bara nodo, bara ina mowua.

Lukasi 13:18

Napaliliu Yesu lolitaNa, Nauli, “Ane poparentana Pue Ala hawe i dunia, noumba pewalina? Poparentana Pue Ala nodo lihu hahawi i lalu ngkora pandiri ide: ara haogu lihu hahawi au naala hadua tauna, hai natuda i bondena. Lihu hahawi iti tuwo hai kamahile-hilea, duuna mewali nodo hampoa kau. Hawemohe tadasi mobabehi haranda i daana.”

Matiu 13:33

Ara wori hampaka ngkora pandiri au Napahawe i tauna bosa, Nauli, “Poparentana Pue Ala nodo ragi au naala hadua towawine, hai nagalo tapu. Nauri ragi iti haodi pea peisa mampopembongke tapu au ngkaia.”

Matiu 13:31

Roo indo, Yesu mopahawe mbuli hampaka ngkora pandiri i tauna bosa, Nauli, “Poparentana Pue Ala nodo lihu hahawi i lalu ngkora pandiri ide: ara haogu lihu hahawi au naala hadua tauna, hai nahawuka i bondena.

Matiu 13:11

Nahanai Yesu, “Hangkoia, tewuniangi mani paturo kana i poparentana Pue Ala. Ide-ide Naweikau Pue Ala pekiri bona niisa lempona paturo iti. Agaiana ane tauna bosa, barahe Nawei pekiri molempo paturo iti.

Matiu 13:3

Roo indo, Yesu mopahaweahe ngkaia pakana paturo i lalu ngkora pandiri, Nauli, “Ara hadua tauna au lao mohawu.

Matiu 4:17

Mepongka hangko indo, Yesu mopahawe lolitaNa, Nauli, “Nipenosoimide dosami, lawi ina hawemi poparentana Pue Ala i dunia.”

Matiu 3:2

nauliangaahe, “Menosomokau hangko i dosami, lawi barapi mahae ina hawe poparentana Pue Ala i dunia.”

Markus 4:25

Tauna au mampoinalai Ngkorana Pue Ala, rapakanoto lalunda bona tetambai au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”

Markus 4:27

Maroa kaindi ba mabaa, maroa i tempona maturu ba i tempona mearo, tinudana iti tuwo liliu duuna mahile. Agaiana bara naisa topobonde noumba katuwona tinudana iti hai pane mahile.