Markus 4:20 - Sura Malelaha

²⁰ Ara wori tauna au rapandiri nodo tampo au marudu. Kamohadinda Ngkorana Pue Ala, liliu radoko. Rapailalu ntepuu hai rapopobundu, alana Ngkora iti mowua i lalu katuwonda. Ara au mowua talu pulona belana hangko i tinudana, ara wori au ini pulona belana, ara wori au hangatu belana hangko i tinudana.”

Markus 4:20 교차 참조

Kolose 1:10

bona babehiami ina hintoto hai tauna au moula peundeana Pue, hai bona ope-ope babehiami ina mopamatana laluNa. Ane nodo katuwomi, ina mobabehikau hinangka bago au maroa, hai ina katetetambaia poisami Pue Ala i lalu katuwomi.

Lukasi 8:15

Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”

Markus 4:8

Ara wori tinuda au manawo i tampo au marudu. Tinuda iti tuwo maroa hai kamahile-hilea, alana mowua. Ara au talu pulona belana hangko i tinudana, ara au ini pulona belana, ara wori au hangatu belana hangko i tinudana.”

Matiu 13:23

Tinuda au manawo i tampo au marudu lempona, tauna au mampehadingi hai mopailalu Ngkorana Pue Ala. I tauna iti, Ngkorana Pue Ala mowua. Ara au mowua hangatu belana hangko i tinudana, ara au mowua ini pulona belana hangko i tinudana, hai ara au mowua talu pulona belana hangko i tinudana.”

2 Peturu 1:8

Ane nodo poantimi hai babehiami, hai ane nitambai liliu, ina mobundu mpuu katuwomi, lawi tou-tou mpuukau moisa Amputa Yesu Kerisitu hai maroho peulami Iria.

Roma 7:4

Nodo wori ikita, halalu: Hangkoia tetaka manike i Aturana Musa. Agaiana ane matemoke hihimbela hai Kerisitu, tebolehimi pohintuwuta hai atura iti. Hai ide-ide, mohintuwumoke hai tohaduana, iami Kerisitu au tuwo hule hangko i kapate. Anti pohintuwuta hai Kerisitu, mobundumoke i Pue Ala.

Yohane 15:16

Bara ikamu au mopileiNa. Ikori au mopileikau. Kutudukau mowua; hai wua pobagomi iti bara ina matanta, ina mobundu hawe i hae-haena. Mewali, apa au niperapi i UmaNgku i lalu hangaNgku, batena Naweikau.

1 Tesalonika 4:1

Mewali halalu, kiperapi bona nipeulai ope-ope paturo au nihadimi hangko irikami bona babehiami moula peundeana Pue Ala. Katouana, ide-ide maroami babehiami. Agaiana anti kuasa au naweingkai Pue Yesu, kiperapi hai kipari-pariakau bona nitambai mbuli kamaroana babehiami.

Pilipi 1:11

Mekakaena bona nibabehi liliu apa au manoto anti pobagona Yesu Kerisitu i lalu katuwomi, alana bosa tauna motoia hai mampomahile Pue Ala.

Matiu 13:8

Ara wori tinuda au manawo i tampo au marudu. Tinuda iti mowua, ara au hangatu belana hangko i tinudana, ara au ini pulona belana, hai ara au talu pulona belana.”

Yohane 15:2

Ope-ope daa au tuwo Iriko au bara mowua, Nakadiri. Hai ope-ope daa au tuwo Iriko au mowua, Napakabaa hai Nakadipura bona tetambai powuana.