Markus 4:14 - Sura Malelaha

¹⁴ Topohawu, iami au mopahawe Ngkorana Pue Ala.

Markus 4:14 교차 참조

Suro 8:4

Mewali, topepoinalai au mahawuhe iti, mopahawehe Ngkorana Pue iumba pea kalaoanda.

Matiu 13:19

Tinuda au manawo i tanga rara lempona tauna au mampehadingi mpuu bambari kana i poparentana Pue Ala, agaiana barahe moisa lempona. Hawemi Datu Tokadake morampaki ngkora iti hangko i lalunda.

Lukasi 8:11

Idemi lempona ngkora pandiriKu inona: tinuda au rahawu iti, lempona Ngkorana Pue Ala.

Matiu 13:37

Nahanai Yesu, “Ampu bonde au mohawu tinuda au maroa lempona, Ikomi, Ana Manusia.

Markus 4:3

“Pehadingi! Ara hadua tauna au lao mohawu.

Markus 2:2

Ido hai bosa tauna mai mampohidupaa Yesu, alana sou iti bukehe tauna hawe-hawe i baba. Yesu mopahaweahe Ngkorana Pue Ala.

Lukasi 1:2

Au rauki i lalu suranda iami au rapahaweamoke tauna au moita mata apa au mewali hangko i nguru-nguruna, hai tauna iti mewalihe topobambari Ngkora Marasa.

Matiu 13:3

Roo indo, Yesu mopahaweahe ngkaia pakana paturo i lalu ngkora pandiri, Nauli, “Ara hadua tauna au lao mohawu.

Markus 4:13

Roo indo, Yesu mouliangaahe topeguruNa node, “Ane ngkora pandiri inona barapi niisa lempona, noumbami kaniisana molempo ngkora pandiri au ntanina?

Markus 4:15

Tauna peisa rapandiri nodo iba pakana tampo: Arahe au rapandiri nodo tampo au mapempe, iami tauna au matua lalunda. Mohaditohe Ngkorana Pue Ala, agaiana Datu Tokadake mopawuli lalunda, alana Ngkorana Pue Ala au rahadimi iti bara rapailalu.