Markus 3:6 - Sura Malelaha

⁶ Padumohe toParisi hangko i sou penombaa, hai laohe moteruhu hai taunana Datu Herode. Mohaokihe rara bona mopapatehe Yesu.

Markus 3:6 교차 참조

Markus 12:13

Hangko inditi, tadulakonda to Yahudi motudumohe bahangkia toParisi hai taunana Datu Herode lao i Yesu. Tunggaianda, rapeinao mopakanawo Yesu hai pekunenda.

Matiu 22:16

Ido hai rapohawaamohe bahangkia topegurunda hai bahangkia taunana Datu Herode lao i Yesu. Kahawenda, rauliangaa, “Guru, kiisami kaOiona tauna au manoto. MepaturoKo i katou-touana moula peundeana Pue Ala. Bara Nupeulai pampekirinda hema pea, lawi baraKo mampopontani tauna.

Matiu 12:14

Ido hai padumohe toParisi hangko i sou penombaa, hai mohaokihe rara mopapate Yesu.

Markus 8:15

Yesu mopahawe lolita ide irihira, Nauli, “Maroa-roakau, hai mainga-ingakau i raginda toParisi hai ragina Datu Herode!”

Yohane 11:53

Mepongka alo iti, tadulakonda to Yahudi mohawamohe bona Yesu rapapate.

Lukasi 6:11

Hangko indo, rumpu ntepuumohe guru agama hai toParisi. Ido hai mogombomohe mohaoki akala, ba apa au ina rababehi i Yesu.

Lukasi 22:2

I tempo iti, kapala-kapala tadulako mpenomba hai guru-guru agama mohaokihe rara mopapate ngkandii Yesu, lawi mampokalangahe tauna bosa.

Suro 4:25

Oio au mongkora i Datu Daudi, toiorungki hangkoia, lawi iami hawiMu. Hai tangana Daudi nakuasai Inao Malelaha, ia mololita nauli, ‘Moapari pane ope-ope ngamba mohiho-hihohe, hai tina-tina mampepekiri tunggaia au mbero-mbero?