Markus 3:35 - Sura Malelaha

³⁵ Lawi hema-hema au mobabehi peundeana Pue Ala, ihirami halaluNgku hai ihirami inaNgku.”

Markus 3:35 교차 참조

1 Yohane 2:17

Dunia ide, hihimbela hai hinangka ihina, au naunde manusia ina magero. Agaiana tauna au moula peundeana Pue Ala batenda tuwo i hae-haena.

Matiu 7:21

Bara ope-ope tauna au mokabelaiNa ‘Pue,’ ina mesua i lalu poparentana UmaNgku au ara i suruga. Batena pea tauna au mobabehi peundeana Pue Ala au ina mesua i lalu poparentaNa.

Yohane 7:17

Hema au mampeinao mobabehi peundeana Pue Ala ina raisa kahangko iumbana lolitaNgku ide, ba hangko i Pue Ala mpuu ba lolitaNgkuto pea haduduaNgku.

Yakobu 1:25

Ido hai hangangaa nipailalu maroa Ngkorana Pue Ala hai nipeulai liliu. Lawi Ngkorana Pue bara ara kamakurana, hai ara kuasana mokabahake hangko i dosa. Mewali, inee nipehadingi pea Ngkora iti hai naliu inaomi. Hangangaa nipeulai Ngkora iti, lawi ope-ope tauna au mobabehi nodo, batena nawatihe Pue Ala i apa pea au rapobago.

Epesu 6:6

Inee nibabehi nodo i lindonda pea ampumi bona ratoiakau. Mobagokau nodo hawina Kerisitu au moula peundeana Pue Ala hangko i lalumi.

Ibarani 10:36

Kehapiri apa pea au mewali, hangangaa mantahake. Nipeulai liliu peundeana Pue Ala hai ina molambikau apa au Nadandiakau.

1 Peturu 4:2

Mewali, i tempomi mani tuwo i dunia ide, inee nipeulai peundeana lalumi au kadake. Hangangaa moulakau peundeana Pue Ala.