Markus 3:27 - Sura Malelaha

²⁷ Datu Tokadake peisa rapandiri nodo tauna au maroho. Ane mesuake i lalu souna tauna au maroho hai mampeinaoke morampaki ihi souna, hangangaa tahilu hampai ampu sou iti, hangko peisarike morampaki ope-ope anu-anuna. Nodo wori, ane Iko mampopeloho seta, lempona, Kunangimi Datu Tokadake.

Markus 3:27 교차 참조

Matiu 12:29

Datu Tokadake peisa rapandiri nodo hadua tauna au maroho. Ane mesuake i lalu souna tauna iti hai mampeinaoke morampaki ihi souna, hangangaa tahilu hampai ampu sou iti, hangko peisari tarampaki anu-anuna. Nodo wori, ane Iko mampopeloho seta, lempona, Kunangimi Datu Tokadake.

1 Yohane 4:4

Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

1 Yohane 3:8

Tauna au mobabehi liliu dosa, napoanahe Datu Tokadake. Lawi Datu Tokadake madosami hangko i nguru-nguruna. Mewali, tunggaiana Anana Pue Ala mai i dunia bona mogero bagona Datu Tokadake iti.

Kolose 2:15

I kapatena Kerisitu i kau mombehape, Pue Ala monangimi ope-ope tokadake hai ope-ope au makuasa bona kaNananginda tongawa i humalele dunia.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Ibarani 2:14

Tauna au napoanahe Pue Ala, tauna biasa peahe au hangangaa mate. Ido hai Yesu mewali wori manusia hai tuwo nodo tauna biasa bona anti kapateNa Ia mogero kuasana Datu Tokadake au mopaara kapate.

Roma 16:20

Pue Ala, pongka roa ngkatuwo, ina monangi hai moropui Datu Tokadake i lalu katuwomi. Halalu-halalungku! Amputa Yesu Kerisitu, mowatikau hai mamporangai liliukau.