Markus 3:22 - Sura Malelaha

²² Ara worihe guru agama to Yahudi au hawe hangko i Yerusale. Rauli guru agama iti, “Ia napesuangi Beelsebul, datu seta. Datu seta itimi au mowei kuasa mampopeloho seta.”

Markus 3:22 교차 참조

Matiu 15:1

Hambela tempo, arahe toParisi hai guru agama Yahudi au hangko i Yerusale laohe mampohidupaa Yesu, rauli,

Matiu 10:25

Apa au mewali i hadua guru, iti wori au ina mewali i topeguruna. Apa au mewali i hadua tuana, iti wori au ina mewali i hawina. Maroa-roakau, lawi Iko, Ampumi, hai ikamu, topeguruNgku. Mewali, ane rapana Iko rahanga Beelsebul, datunda ope-ope seta, pelumbunami ikamu au meula Iriko. Ina rakakabosai worikau.”

Matiu 12:24

Karahadina toParisi lolitanda, rauli, “KuasaNa iti hangko i Beelsebul, datunda ope-ope seta. Ido hai peisa mampopeloho seta.”

Matiu 9:34

Agaiana toParisi, barahe mampoinalai kahangko i Pue Alana kuasana Yesu, rauli, “Tauna iti mopake kuasa hangko i datu seta, ido hai peisa mampopeloho seta.”

Yohane 7:20

Rauli tauna bosa, “Ba napesuangiKo pae! Hemari au mampeinao mopapateKo?”

Yohane 8:52

Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena.

Yohane 8:48

Rauli to Yahudi, “Tou mpuu au kiuli! NodoKo to Samaria au napesuangi seta.”

Lukasi 11:15

Agaiana ara worihe tauna au manguli, “KuasaNa iti hangko i Beelsebul, datu seta. Ido hai peisa mampopeloho seta.”

Markus 7:1

Hambela tempo, arahe toParisi hai guru agama Yahudi au hangko i Yerusale laohe mampohidupaa Yesu.

Matiu 11:18

Lempona: Yohane Toperiu bara niunde. Iko wori, baraNa niunde. Kamaina Yohane, ia mopuasa hai bara moenu anggoro. Nisapuaka liliu, niuli node, ‘Ia napesuangi seta!’

Yohane 10:22

I tempo iti i Yerusale, tauna mopaarahe susa mokatuinao Alo Popamalelaha Souna Pue Ala hangkoia. I tempo iti, tempo makuli.

Lukasi 5:17

Hambela tempo, tangana Yesu mepaturo, arahe bahangkia toParisi hai guru-guru agama au mohuda inditi. Ihira hawe hangko i boeanda i tampo Galilea, Yudea, hai hangko i wanua Yerusale. Kuasana Pue Ala ara i Yesu, ido hai Nabuku mopakaoha tomahai.