Markus 3:20 - Sura Malelaha

²⁰ Roo indo, mesulemi Yesu i sou. Agaiana bosa wori tauna hawe motoleliki, alana Yesu hai topeguruNa barapohe tepaka maande.

Markus 3:20 교차 참조

Markus 6:31

I tempo iti, bosa mpuu tauna mombehuru-huru mai i Yesu, alana barapohe tepaka maande. Ido hai nauli Yesu i topeguruNa, “Agina laoke i paidaa au boa mopalehike tauna bosa bona mengkarooke sangka.”

Lukasi 6:17

Roo indo, mempanaulumi Yesu hihimbela hai topeguruNa. Mengkaroomohe i lempena, lawi inditi bosahe tauna au meula Iria mepegia. Inditi ara worihe bosa tauna au hangko i humalele tamponda to Yahudi, hangko i wanua Yerusale hai hangko i wanua Tirus hai Sidon au i wiwi ntahi.

Markus 9:28

Roo indo, Yesu hai topeguruNa paduhe hangko inditi mesua i lalu sou. Pesuanda, mekunemohe topeguruNa iria, rauli, “Guru, moapari hai bara kibuku mampopeloho tokadake iti inona?”

Markus 7:17

Roo indo, Yesu mopalehi tauna bosa, hai mesua i lalu sou. Mekunehe topeguruNa Iria apa tunggaiana ngkora pandiri inona.

Markus 3:9

Yesu mopakaoha bosa tomahai, alana momberirimohe tauna lao mohungkuki Yesu bona ratobo. Anti kabosanda tauna, ido hai motudumi topeguruNa mopasilolonga duanga bona rapesawii dati raupi-upi tauna bosa.

Markus 3:7

Hangko inditi Yesu hai topeguruNahe meangkahe lao i wiwi rano Galilea. Bosa to Galilea meula i Yesu. Bosa wori au hawe hangko i tampo Yudea,

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Markus 2:1

Bara mahae hangko indo, Yesu mesule lao i boea Kapernaum. Tebambari kaaranami Yesu i sou.