Markus 3:11 - Sura Malelaha

¹¹ Hawe worihe tauna au napesuangi tokadake. Kamoitanda Yesu, liliuhe molingkudu i lindoNa, hai monganga-ngangahe, rauli, “Oio AnanaKo Pue Ala!”

Markus 3:11 교차 참조

Lukasi 4:41

Hai ngkaia wori seta au napopeloho Yesu hangko i tauna au napesuangi. Seta au Napopelohohe iti, monganga-ngangahe, rauli, “Kiisami, kaOiona Anana Pue Ala!” Agaiana seta iti nakontohe Yesu. Barahe Napaliu mololita, lawi moisa mpuuhe kaIana Datu Topehompo.

Lukasi 8:28

I kamoitana Yesu, meraroami hai molingkudu i lindona Yesu hai mololita masisimbuku, nauli, “Yesu, Anana Pue Ala i suruga, apari mai Nuala? Kuperapi bona inee wongkoia Nupopeahi-ahi.”

Yakobu 2:19

Ba nipoinalai hadua pea Pue Ala? Tou mpuu diti. Agaiana ane noiti pea, bara handa! Lawi mogalorihe seta, mampoinalai worihe kahaduana pea Pue Ala. Ido hai moradahe anti kalanganda.

Matiu 8:29

Monganga-ngangahe seta au mampesuangi tauna iti, rauli, “Anana Pue Ala! Moapari hai maiKo? Ineengkai Nuhuku! Bara mani hawe tempona Nupakaparingkai.”

Matiu 4:3

I tempo iti, hawemi Datu Tokadake mouliangaa, “Ane tou-tou AnanaKo Pue Ala, Nutuduhe watu ide mewali roti!”

Suro 16:17

Towawine iti meula liliu irikami, monganga-nganga, nauli, “Ihira ide hawina Pue Ala au melumbu kuasaNa hangko i ope-ope au rapenombai! Kamainda inde, maihe mopahaweakau rara bona peisakau tehorema hangko i pehukuna Pue Ala.”

Matiu 8:31

Seta au mampesuangihe tauna iti merapi i Yesu, rauli, “Ane hangangaa Nupopelohongkai hangko inde, Nutudungkai mesua i boe olouhe.”

Matiu 4:6

hai nauliangaa, “Ane tou-tou Anana mpuuKo Pue Ala, mengkanawomoKo hangko inde! BaraKo ina moapa-apa, lawi ara teuki i lalu Sura Malelaha: ‘Pue Ala motuduhe malaekaNa mokampaiKo datiKo marugi. Ina radokoKo dati tetuhu bitiMu i watu.’ ”

Matiu 14:33

TopeguruNa au i lalu duanga iti menombahe Iria, rauli, “Tou mpuu, AnanaKo Pue Ala!”

Markus 1:1

Idemi Ngkora Marasa, tuntukana katuwona Yesu Kerisitu, Anana Pue Ala.

1 Korintu 11:34

Ane ara au marimi, agina maande amikau mai i sou. Ane nibabehi apa au hintoto i poteruhuami maminggu, barakau ina molambi pehuku hangko i Pue. Au ntanina, ina rapakanotoaraikau ane hawena irikamu.