Markus 2:24 - Sura Malelaha

²⁴ Toparisi au arahe inditi mekune i Yesu, rauli, “Moapari hai topeguruMu moliungihe atura agamanta? Mobagohe i Alo Pengkarooangaa!”

Markus 2:24 교차 참조

Ibarani 12:3

Nipeita halalu noumba kamaparina Yesu molindo tauna kadake au mosapuaka wataNa, hai kahopoana Ia rapapate. Mewali halalu, hangangaa nipekiri liliu noumba kamantahana Yesu i lalu kapari bona datikau malede hai masusa lalumi.

Matiu 12:2

Arahe toParisi au moita apa au rababehi. ToParisi iti mouliangaa Yesu, “Peita! TopeguruMu moliungihe atura agamanta, mobagohe i Alo Pengkarooangaa!”

Markus 2:16

Inditi arahe bahangkia guru agama au moula paturonda toParisi. Kamoitanda Yesu maande hihimbela hai tauna au kadake babehianda, mekunehe guru agama iti i topeguruNa, rauli, “Moapari pane gurumi maande sambela hai toperuru asele hai tomadosa?”

Markus 2:7

“Pebai mpuu tauna ide mololita nodo! Ia mopahimbela kuasaNa hai Pue Ala! Bara ara hadua tauna au peisa moampungi dosa, batena pea Pue Ala.”

Markus 2:25

Nauli Yesu, “Bara pae nibasa i Sura Malelaha apa au nababehi Datu Daudi hangkoia hai ranganahe i temponda marimi?