Markus 2:2 - Sura Malelaha

² Ido hai bosa tauna mai mampohidupaa Yesu, alana sou iti bukehe tauna hawe-hawe i baba. Yesu mopahaweahe Ngkorana Pue Ala.

Markus 2:2 교차 참조

Markus 2:13

Roo indo, lao mbulimi Yesu i wiwi rano Galilea. Bosa mpuu tauna hawe Iria, hai Napaturohe.

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

2 Timotiu 4:2

Hangangaa masilolonga peamoko mopahawe Ngkorana Pue Ala i tempo au maroa ba i tempo mapari. Nukambaroahe au moanti paturo au sala, nukontohe au kadake babehianda, hai nupakaroho lalunda bona maroa babehianda. Hangangaa sabara liliuko mopaguruhe.

Roma 10:8

Nauli mbuli Musa node, “Ngkorana Pue hungku ntepuu irikamu. Ngkora iti peisa nuhowara hai nupailalu.” Itimi ngkora au kipahawe i ope-ope tauna iti, iami bambari pepoinalai.

Suro 16:6

Inao malelaha mohombokihe Paulu hai rangana lao mopahawe Ngkorana Pue Ala i propinsi Asia. Ido hai tebalikimi tunggaianda, hai laomohe mampolumaongi tampo Frigia hai Galatia.

Suro 14:25

Hangko inditi, mobambarimohe Ngkorana Pue Ala i wanua Perga, hai mempanauluhe lao i wiwi ntahi hawe i wanua Atalia.

Suro 11:19

Mewali, mepongka hangko i karapapatena Setepanu, topepoinalai i Yesu au ara i Yerusale rapopeahi-ahi liliuhe, hai bosahe au melangka lao i boea ntanina. Arahe au hawe i tampo Fenisia, ara worihe au hawe i lewuto Siprus hai i wanua Antiokia. I ope-ope boea au rapolumaongi, mopahawehe Ngkorana Pue Ala i hangka to Yahudinda pea.

Suro 8:25

Karoonda Peturu hai Yohane mepaturo hai mopahawe Ngkorana Pue, mesulemohe lao i Yerusale. I polumaonda, rabambari wori Ngkorana Pue i boea-boea ntanina i tampo Samaria.

Lukasi 12:1

Arahe isabuna tauna au moteruhu mampeinaohe moita Yesu, mombeupi-upihe alana mombepangka-pangkamohe. I tempo iti, Yesu mouliangaahe topeguruNa, “Maroa-roakau i raginda toParisi. Ineekau meguru i toParisi, lawi maroa i raoa peahe agaiana kadake lalunda.

Lukasi 8:11

Idemi lempona ngkora pandiriKu inona: tinuda au rahawu iti, lempona Ngkorana Pue Ala.

Lukasi 8:1

Bara mahae hangko indo, Pue Yesu molumaohi boea au mahile hai au koi mopahawe Ngkora Marasa kana i poparentana Pue Ala. Ia raporangai liliu topeguruNa au hampulo hai rodua.

Markus 1:37

“Guru, bosa tauna mohaokiKo.”

Markus 1:33

Bosa ampu boea moteruhu i tabangaa souna Simo.

Markus 1:14

Bahangkia kamahaena hangko inditi, rahakami Yohane Toperiu hai ratarunggu. I tempo iti, laomi Yesu i tampo Galilea, hai mopahawe Ngkora Marasa hangko i Pue Ala,

Matiu 5:2

Ia mepongkami mepaturo, Nauli,

Lukasi 5:17

Hambela tempo, tangana Yesu mepaturo, arahe bahangkia toParisi hai guru-guru agama au mohuda inditi. Ihira hawe hangko i boeanda i tampo Galilea, Yudea, hai hangko i wanua Yerusale. Kuasana Pue Ala ara i Yesu, ido hai Nabuku mopakaoha tomahai.

Markus 6:34

Pendauluna Yesu hangko i duanga, moita mbulimi bosa tauna mepegia. Maahi laluNa moitahe, lawi nodohe dimba au bara raporewu. Mewali napepongkami Yesu mopaguruahe mampopengaa paturo.

Markus 2:1

Bara mahae hangko indo, Yesu mesule lao i boea Kapernaum. Tebambari kaaranami Yesu i sou.