Markus 2:15 - Sura Malelaha

¹⁵ Roo indo, Yesu hai topeguruNa maandehe i souna Lewi. Tanganda maande, hawe worihe bosa toperuru asele hai tauna ntanina maande sambela hai ihira, lawi bosamohe i olonda au mewali topeulana Yesu. Tauna iti raimbahe tauna au kadake babehianda.

Markus 2:15 교차 참조

Lukasi 15:1

Hambela tempo, bosa toperuru asele hai tauna ntanina mai i Yesu lawi mampeinaohe mampehadingi lolitaNa. Ihira raimbahe tauna kadake.

Lukasi 6:17

Roo indo, mempanaulumi Yesu hihimbela hai topeguruNa. Mengkaroomohe i lempena, lawi inditi bosahe tauna au meula Iria mepegia. Inditi ara worihe bosa tauna au hangko i humalele tamponda to Yahudi, hangko i wanua Yerusale hai hangko i wanua Tirus hai Sidon au i wiwi ntahi.

Matiu 5:46

Ane mampokaahi peakau tauna au mampokaahikau, babehiami iti barakau ina nahurungia Pue Ala. Mogalori toperuru asele au niimba nodo topodongko, maahihe i tauna au mampokaahihe.

Markus 2:14

Tangana Yesu molumao, moitami hadua toperuru asele au mohuda i bambaru pobaiaria asele, hangana Lewi, anana Alfeus. Mololitami Yesu iria, Nauli, “Peulamide Iriko!” Meangkami Lewi, hai liliu meula Iria.

Markus 2:16

Inditi arahe bahangkia guru agama au moula paturonda toParisi. Kamoitanda Yesu maande hihimbela hai tauna au kadake babehianda, mekunehe guru agama iti i topeguruNa, rauli, “Moapari pane gurumi maande sambela hai toperuru asele hai tomadosa?”