Markus 2:13 - Sura Malelaha

¹³ Roo indo, lao mbulimi Yesu i wiwi rano Galilea. Bosa mpuu tauna hawe Iria, hai Napaturohe.

Markus 2:13 교차 참조

Markus 4:1

Hambela tempo, mepaturo mbulimi Yesu i wiwi rano Galilea. Bosa mpuu tauna teruhu motoleliki Yesu. Ido hai laomi Yesu mesawi i duanga, hai mohuda inditi, hai tauna bosa meangkahe i wiwi rano.

Lukasi 21:38

Alo-alona madondo, tauna bosa moguluhe i Souna Pue Ala mampehadingi paturoNa.

Lukasi 19:48

agaiana bara ara raranda mobabehi tunggaiana lalunda, lawi tauna bosa tedii lalunda mampehadingi lolitaNa.

Markus 2:2

Ido hai bosa tauna mai mampohidupaa Yesu, alana sou iti bukehe tauna hawe-hawe i baba. Yesu mopahaweahe Ngkorana Pue Ala.

Markus 1:45

Agaiana, iumba pea kalaoana tauna iti, napololita liliuri kanapakaohana Yesu, alana Yesu barapi peisa mesua i lalu boea iti tontolea dati ratoleliki tauna. Ido hai Yesu maida pearai i raoa boea i pada wungi. Agaiana nauri nodo, bosa liliuhe tauna au hangko i boea-boeana mampeinao mampohidupaa Yesu.

Matiu 13:1

I alo iti wori, padumi Yesu hangko i sou, lao mohuda i wiwi rano.

Matiu 9:9

Roo indo, padumi Yesu hangko inditi. I tanga rara, Ia moita hadua au mohuda i bambaru pobaiaria asele, hangana Matiu. Nauli Yesu iria “Peulamide Iriko!” Meangkami Matiu hai liliu meula Iria.

Markus 10:1

Meangkami Yesu hangko i boea Kapernaum lao i tampo Yudea hai i tampo au ara ntanda i orupena owai Yarade. Bosahe tauna hawe motoleliki, hai Ia mopaturohe nodo biasana.