Markus 16:13 - Sura Malelaha

¹³ I pesulenda hule i Yerusale tauna au rodua iti, mopahawe worihe i ranganda apa au mewali. Agaiana bara worihe rapoinalai.

Markus 16:13 교차 참조

Yohane 20:25

Ido hai rauliangaa rangana, “Kiitami Pue!” Agaiana nauli Tomas, “Ane bara mani kuita hai kupetobo pepakua i taieNa, hai ane bara mani kuperera petambukua i lompeNa, bara ina kupoinalai.”

Yohane 20:8

Hangko inditi, topeguruNa au hadua, au ioru hawe i talumba inona, mesua worimi. Naitami apa au mewali i lalu talumba iti, pane napoinalai.

Lukasi 16:31

Agaiana nauli Burahima, ‘Ane lolitana Musa hai lolitanda nabi bara radoko, batena barahe ina mepoinalai, kehapiri ara tomate au tuwo hule.’ ”

Matiu 28:17

Inditi, moita mpuumohe Yesu, hai menombahe Iria. Agaiana ara wori au bata-bata mani lalunda.

Markus 16:14

Hangko inditi, Yesu mampatongawa worimi i topeguruNa au hampulo hai hadua au tanganda maande. Nakambaroahe lawi makura pepoinalainda hai matua lalunda. Lawi barahe mampoinalai lolitanda tauna au moitamohe Yesu au tuwo hulemi.

Lukasi 24:11

Agaiana karahadina topeguruNa lolitanda iti, bara rapoinalai; raimba pea lolita au bara tou.

Lukasi 24:41

Anti kamatananda, bara gaga mani rapoinalai hai rapotingkara wori. Ido hai nauli Yesu, “Ara ditihou paandemi?”