Markus 16:10 - Sura Malelaha

^10-11 Laomi Maria i topeguruna Yesu, nalambihe tanganda moteria hai masusa lalunda. Nauliangaahe, “Pue tuwo hulemi; kuitami inona!” Agaiana ope-ope au napololita Maria iti bara mpuu rapoinalai.

Markus 16:10 교차 참조

Yohane 20:18

Laomi Maria Magdalena mampohidupaahe topeguruna Yesu, nauli, “Kuitami Pue!” Hai napahaweamohe ope-ope au nauli Yesu.

Yohane 16:6

Masusa lalumi i kanihadina lolitaNgku inona au mouli kaina paduNgku.

Lukasi 24:17

Tanganda molumao, mekunemi Yesu irihira, Nauli, “Apari au nipololita tangami molumao?” Mengkaroomohe lumao hai tongawa kamasusana lalunda.

Markus 14:72

I tempo iti, motuturuami manu karombelana. Nakatuinaomi Peturu lolitana Yesu au manguli, “Hangko damani motuturua manu karombelana, talumi belana nusapuakaNa.” Ido hai moteriami Peturu monggoro-nggoro.

Matiu 9:15

Nahanaihe Yesu hai ngkora pandiri, Nauli, “Tauna i posusa petauna barahe mopuasa i tempona toratauna tobalilo ara mani i olonda. Agaiana hambela tempo, toratauna tobalilo ina raala hangko i olonda. I tempo itirai, hangko mopuasahe.”

Matiu 24:30

I tempo iti, ina ara tanda i langi au mampopaisa kahaweNgku, Iko Ana Manusia. Hai ope-ope tauna i dunia ina moteria, lawi raitaNa mai i wongko gawu. Ina makuasaNa hai meawa ntepuuNa.

Matiu 19:22

Kamohadina lolitana Yesu, masusa laluna hai padumi, lawi ngkaia anu-anuna.