Markus 16:1 - Sura Malelaha

¹ Kaliuna Alo Pengkarooangaa, laomohe Maria Magdalena, Maria inana Yakobu, hai Salome, meholo lana mawongi. Tunggaianda bona laohe molanai watana Yesu.

Markus 16:1 교차 참조

Lukasi 23:56

Roo indo, mesulemohe lao i boea mopasilolonga rampa-rampa hai lana mawongi bona rapake mobumbuhi watana Yesu, agaiana i Alo Pengkarooangaa barahe mobago moula Aturana Musa.

Markus 15:40

Ara worihe inditi bahangkia towawine au mampeita ngkarao. I olonda ara Maria Magdalena. Ara wori Maria inanda Yakobu au mangura hai Yoses, hai ara wori Salome.

Yohane 19:31

Karapakuna Yesu i kau mombehape iti mewali hangalo hangko damani Alo Pengkarooangaanda to Yahudi, hai moula palianda bara peisa ara tomate au tetoe i kau mombehape i Alo Pengkarooangaa. Apa mani lawi ina kana Posusa Pasa. Ido hai tadulakonda to Yahudi merapi i Pilatu bona torapaku itihe ratepo bitinda bona holigahe mate. Hai raperapi wori bona watanda tauna iti rataura.

Yohane 19:25

Hungku i popakuana Yesu, meangkami inana hai hadua halaluna inana au towawine. Ara wori Maria towawinena Klopas, hai Maria Magdalena.

Markus 16:8

Melangkamohe towawine iti mopalehi talumba, lawi langa hai tingkarahe. Anti kalanganda, bambari iti bara rapopololita i hema pea.

Markus 15:47

Maria Magdalena hai Maria inana Yoses moita kaiumbana watana Yesu rawoli.

Markus 14:8

Towawine iti mobabehimi apa au peisa nababehi. NabumbuhiaNa lana mawongi bona mopasilolonga amimi wataNgku i karatawuNgku.

Markus 14:3

Tempona Yesu ara i boea Betania, Ia maida i souna Simo, au hangkoia ketangga. TangaNa maande inditi, hawemi hadua towawine moanti habotolo lana mawongi au masuli ntepuu holona, au rababehi hangko i uaka kau au mawongi. Napengkami botolona, hai lana iti natidorohia waana Yesu tanda pebilana.

Lukasi 23:54

Alo iti iami Alo Pampasilolonga, lawi kahalona Alo Pengkarooangaa. Moula adanda to Yahudi, mepongka kaindi iti, rapaliami mobago.

Markus 15:42

Kalumbami i alo pampasilolongaa, hai mepongka i katampuna alo rapaliami mobago moula ada to Yahudi lawi mepongkami Alo Pengkarooangaa. Mewali,

Markus 16:2

Mewali, madondo-dondo i alo Minggu, i pembetona alo, laomohe i talumba.

Lukasi 24:1

Madondo-dondo i alo Minggu, laomohe towawine iti i talumba moanti lana mawongi au rapasilolongami.