Markus 15:32 - Sura Malelaha

³² Nauli kaIana Datu Topehompo, Datunda to Isaraeli! Ane nodo, maroa ane mendaulu hangko i kau popakuaNa iti bona taita hai tapoinalai!” Mogalo tauna au rapaku hihimbela hai Ia, mopapakoi worihe Yesu.

Markus 15:32 교차 참조

Matiu 27:44

Nodo wori topanangka au rapaku i kau hihimbela hai Ia, monganga-ngangahe mopapakoi Yesu.

2 Timotiu 2:18

Mopahala batakamohe paturo au tou, rauli pearonda tomate liumi. Paturonda au sala iti mopawulimohe bahangkia tauna alana pepoinalainda barapi mobundu.

Matiu 1:17

Mewali, mepongka hangko i Burahima hawe i Daudi, ara hampulo hai iba lapina toioruna Yesu. Mepongka hangko i Daudi hawe i karatawaninda to Yahudi i Babeli, hampulo wori hai iba lapina. Hai mepongka hangko i karatawaninda to Yahudi lao i Babeli hawe i karapoanakana Kerisitu, hampulo wori hai iba lapina.

Roma 3:3

Noumba ane arahe to Yahudi au barahe mepoinalai i Pue Ala? Nauri nodo, Pue Ala batena mopabukei dandiNa irihira.

Yohane 12:13

Mangalamohe tawe harao, hai laohe modupa Yesu. Monganga-nganga liliuhe, rauli: “Tetoiami Pue Ala! Rawatimi tauna au mai i lalu hangana Pue! Pue Ala mowati Datunda to Isaraeli!”

Yohane 1:49

Nauli Natanael, “Guru, tou mpuu AnanaKo Pue Ala! Oio mpuumi Datunda to Isaraeli!”

Markus 15:26

I kau popakua i wongko waaNa, rapopatakai pata. I pata iti teuki apa au rasalaia. Node au rauki: DATUNDA TO YAHUDI.

Matiu 27:42

“Tauna ntanina Natulungihe, wataNa haduduana bara Nabuku Natulungi! Ba Ia au rauli Datunda to Isaraeli? Ane mendaulu hangko i kau mombehape iti, hangko tapoinalairi!

Markus 15:27

Ara wori rodua tauna au kadake rapaku i kau mombehape hihimbela hai Ia, hadua ntanda i koanaNa hai hadua ntanda i kabeoNa.