Markus 15:21 - Sura Malelaha

²¹ I tanga rara, mampohidupaahe hadua tauna au ina mesua i wanua. Hangana Simo to Kirene, umanda Aleksander hai Rupus. Surodado to Roma mopari-pari Simo motalondo kau popakuana Yesu.

Markus 15:21 교차 참조

Lukasi 23:26

Hangko inditi, surodado to Roma moantimohe Yesu lao i raoa wanua, hai i tanga rara mampohidupaahe hadua to Kirene au hangko hawe i Yerusale, hangana Simo. Simo iti rataha hai rapari-pari motalondo kau mombehape meula i bokona Yesu.

Matiu 27:32

I tanga rara, mampohidupaahe hadua tauna au rahanga Simo hangko i boea Kirene. Surodado to Roma mopari-pari Simo motalondo kau popakuana Yesu.

Roma 16:13

Tabeangku wori i Rupus hai irinana, au kuimbami inangku. Rupus iti iami hadua to Sarani au rabila.

Suro 13:1

I olonda to Sarani i Antiokia, arahe bahangkia nabi hai guru mopahawe Ngkorana Pue, hanganda: Baranaba, Simeo au rakakio Tomaeta, Lukius hangko i Kirene, Menahem (au rapatuwo sambela hai Datu Herode Antipas i temponda mani kokoi), hai Saulu.

Suro 11:20

Ara wori hangko irihira au hangko i lewuto Siprus hai wanua Kirene laohe i wanua Antiokia mobambari Ngkora Marasa kana i Pue Yesu i tauna au barahe to Yahudi.

Suro 6:9

Agaiana ara worihe au moewa Setepanu. Topeewa itihe iami tauna au menomba i sou penombaa au rahanga Sou Libertini (Libertini lempona: tauna au rakabaha hangko i karapohawinda). Ihira iti, to Yahudi au hangko i wanua Kirene hai Aleksandria. Ara worihe to Yahudi hangko i Kilikia hai Asia, au mai moewa hai mampombehehea Setepanu.

Suro 2:10

hangko i Frigia hai Pampilia, hangko i Masiri hai hangko i tampo Libia au hungku i wanua Kirene. Arake au hangko i wanua Roma. Hantangake to Yahudi, hai ara worihe tauna ntanina au mesua agama Yahudi.

Lukasi 14:27

Nipehadingi, ikamu au mampeinao meula Iriko: hema au bara mau mohalea kau mombehape hai meula Iriko, bara peisa mewali topeulaNgku.

Markus 15:20

Karoona rapopowoo-woo, rawosui hulemi badu au malentoro au rabaduia inona, hai rabaduia hulemi hampiNa. Roo indo, raantimi Yesu lao i raoa wanua bona rapaku i kau mombehape.

Yohane 19:17

mopari-parihe Yesu motalondo kau mombehape lao i raoa wanua hawe i Bulu Banga waa. (I lalu basanda to Yahudi hangana Golgota.)

Matiu 5:41

Ane hadua surodado mopari-pariko mohalea antiana hakilo kakaraona, nuhaleangaami rokilo kakaraona.