Markus 15:19 - Sura Malelaha

¹⁹ Rawombe-wombemi waaNa hai lai, ratinuduhi, hai molingkudumohe motumpa i lindoNa nodo tauna au raadai.

Markus 15:19 교차 참조

Markus 14:65

Hangko inditi, arahe au motinuduhi Yesu, ara worihe au mampopowadi-wadi: ratuko mataNa, rajangguru, hai rauliangaa, “Ee nabi! Uli ba hema au mojangguruKo!” Topekampai mohapa worihe Yesu.

Ibarani 13:13

Mewali halalu, nodo Yesu au raanti lao i raoa wanua bona rakakabosai tauna, ikita wori hangangaa mokabahake hinangka au hangko i dunia ide, hai meula peake i Yesu, kehapirike rakakabosai.

Pilipi 2:10

bona ope-ope au tuwo ina mengkoru i Yesu, maroa au i suruga, maroa au i dunia, maroa au i paidaa tomate; ope-opehe ina molingkudu menomba Iria,

Roma 11:4

Nahanai Pue Ala, “Inee nupehangu oio pearai au moulaNa. Ara manihe pitu sabuna tauna au Kupentara mewali kiraNgku au bara manihe hambela menomba i anitu Baal.”

Lukasi 23:36

Surodado mopapakoi worihe Yesu, hai rahungkuki pane rapaenu anggoro au mangilu,

Lukasi 23:11

Roo indo, Herode hai surodadona mampopowadi-wadi hai mopapakoihe Yesu. Rabadui badu datu, hai raanti hule lao i Pilatu.

Lukasi 22:63

Roo indo, tauna au mokampai Yesu, mopapakoihe Yesu hai rapapahai.

Markus 10:34

Ina rakakabosaiNa, ratinuduhiNa, rapapahaiNa, hai rapapateNa. Agaiana i alo katalu, ina tuwo huleNa.”

Markus 9:12

Nahanaihe, Nauli, “Tou. Elia hangangaa hawe ioru, lawi ia au mopasilolonga hinangkana. Agaiana noumba Iko Ana Manusia? Moapa hai teuki i lalu Sura Malelaha ina molambiNa ngkaia kapari hai rakakabosaiNa tauna?

Matiu 27:30

Ratinuduhimi, raalami lai au i taieNa hai rawombea waaNa.

Markus 15:18

Roo indo, rapopowoo-woomi, rauliangaa, “KibilaKo, datunda to Yahudi!”

Markus 15:20

Karoona rapopowoo-woo, rawosui hulemi badu au malentoro au rabaduia inona, hai rabaduia hulemi hampiNa. Roo indo, raantimi Yesu lao i raoa wanua bona rapaku i kau mombehape.