Markus 15:14 - Sura Malelaha

¹⁴ Mekune Pilatu, nauli, “Dake apari au Nababehi?” Agaiana monganga-ngangahe “Papate i kau mombehape!”

Markus 15:14 교차 참조

Lukasi 23:41

Ane ikita, hintotoke rahuku mate anti babehianta au kadake, agaiana Ia, bara mpuu ara salaNa.”

1 Peturu 1:19

agaiana hai au meliu kamasulina, iami wahena Kerisitu. Kerisitu iti nodo hambaa ana dimba au bara ara hakina ba kamakurana. Iami au rahuku mate mopahurukau.

Ibarani 7:26

Mewali, Yesu itimi Tadulako Mpenomba Mahilenta au taparaluu, lawi Ia pea au peisa motulungike. Ia malelaha tuwoNa, bara ara salaNa ba kamakuraNa. Nauri mewali manusia, Ia bara madosa nodo manusia. Ia raangkami i hambua pohudaa au meliu kamapangkana hangko i ope-ope au i langi.

Suro 19:34

Agaiana, i karaisana tauna bosa katoYahudina, monganga-nganga liliumohe rojaa kamahaena, rauli, “Toiami Artemis au tapenombai to Epesu!”

Yohane 19:6

I temponda kapala-kapala tadulako mpenomba hai topekampai moita Yesu, mongangamohe, rauli, “Papate! Papate i kau mombehape!” Nauli Pilatu, “Ane nipeinao mopaku i kau mombehape, nialamide! Ikamu au hangangaa mopaku i kau mombehape, lawi bara kulambi salaNa.”

Yohane 18:38

Nahanai Pilatu, “Apari lempona lolitaMu au manguli ‘apa au tou’?” Roo indo, lao mbulimi Pilatu i raoa mouliangaahe tadulakonda to Yahudi, “Nauri hampaka salaNa, bara ara kulambi.

Lukasi 23:47

Kanaitana tadulako surodado apa au mewali iti, motoiami Pue Ala, nauli, “Tongawa mpuu! Ia ide tauna au manoto!”

Lukasi 23:21

Agaiana monganga-nganga liliuhe masisimbuku, rauli, “Papate! Papate i kau mombehape!”

Lukasi 23:4

Hangko indo, nauli Pilatu i kapala-kapala tadulako mpenomba hai i tauna bosa, “Tauna ide bara kulambi salana au ina kuhukua.”

Matiu 27:54

Tadulako surodado hai surodadona au mokampai Yesu, langa mpuuhe mohadi linu hai moita ope-ope au mewali iti. Rauli, “Tou mpuu Ia ide Anana Pue Ala!”

Matiu 27:19

I tempona Pilatu mohuda mobotusi kara-kara kana i Yesu, hawemi hadua suro hangko i towawinena au mouliangaa, “Inee nuhuku tauna au bara masala iti! Anti kaIana panena mangipi au mewulungai inona kaindi.”

Matiu 27:4

nauli, “Madosamona! Mampobaluna tauna au bara masala, alana rahuku mate!” Rahanai, “Apa pae kiuli! Babehiamuto pae!”

Markus 15:13

Mongangamohe tauna bosa, rauli, “Papate i kau mombehape!”

Markus 15:15

Pilatu mampeinao mopabukei peundeanda tauna bosa, ido hai nakabahaamohe Baraba. Roo indo, natudumohe surodadona mohepe-hepe Yesu hai pekandangi au modui, hai nahuhuamohe bona rapaku i kau mombehape.

Suro 13:28

Nauri bara rahumba salaNa au hintoto rahukua mate, agaiana raperapi liliu i Pilatu bona rapapate.