71 Mosumpami Peturu, nauli, “Mate-matena ane kuisa tauna au niuli iti!”
Mewali, ane arakau au manguli: “Marohomi pepoinalaingku i Pue,” hangangaa maroa-roakau bona datikau manawo i lalu dosa!
Agaiana mesapuaka mbulimi Peturu. Bara mahae hangko indo, tauna au meangka inditi mouliangaa wori Peturu, “Manoto oio ranganako Yesu! Lawi to Galilea woriko.”
I tempo iti, motuturuami manu karombelana. Nakatuinaomi Peturu lolitana Yesu au manguli, “Hangko damani motuturua manu karombelana, talumi belana nusapuakaNa.” Ido hai moteriami Peturu monggoro-nggoro.
