Markus 14:44 - Sura Malelaha

⁴⁴ Nauliangaa amimohe Yudasi tanda bona raisa kaumbana Yesu, nauli, “Hema au kuangki, iami Yesu. Nihaka hai niantimi, nikampai mpuu.”

Markus 14:44 교차 참조

2 Tesalonika 3:17

Tabea hangko iriko, Paulu. Kahopoana sura ide kuuki haduduangku. Ide tanda i lalu ope-ope kahopoa surangku bona niisa mpuu kahangko irikona sura ide.

Pilipi 1:28

Inee mpuukau langa i tauna au moewakau, lawi iti au mopakanotoahe kaina nahukunda Pue Ala, hai ikamu halalu manotomi kaina nahoremami Pue Ala.

Suro 16:23

Karoonda rapapahai, liliuhe ratarunggu. Kapala tarunggu rapohawaa bona Paulu hai Silas nakampai maroahe.

Matiu 26:46

Mearomokau! Laomoke! Peita, oloumi mai tauna au mampobaluNa.”

Markus 14:43

Tangana mani Yesu mololita, hawemi Yudasi, hadua hangko i topeguruNa au hampulo hai rodua, hihimbela hai bosa tauna au moanti piho hai pewombe. Tauna iti ratuduhe kapala-kapala tadulako mpenomba, guru agama hai totosaenda to Yahudi bona laohe mohaka Yesu.

Markus 14:45

Mewali, kahawenda inditi, laomi Yudasi mampohidupaa Yesu, nauli, “Guru!” hai naangki.