Markus 14:30 - Sura Malelaha

³⁰ Nauli Yesu, “Kuuliangaako: hangko damani motuturua manu karombelana deade kaindi, talumi belana nusapuakaNa.”

Markus 14:30 교차 참조

Yohane 13:38

Nauli Yesu, “Pebai mpuuko pae mate anti peulamu Iriko? Tou lolitaNgku ide: Bona nuisa, hangko damani motuturua manu wengi ide, talumi belana nusapuakaNa.”

1 Korintu 10:12

Mewali, ane arakau au manguli: “Marohomi pepoinalaingku i Pue,” hangangaa maroa-roakau bona datikau manawo i lalu dosa!

Yohane 18:17

Towawine topokampai baba iti mekune i Peturu, nauli, “Bara pae oio wori hadua topeguruNa tauna olou?” Nasapuaka Peturu, Nauli, “Bara!”

Lukasi 22:34

Nauli Yesu, “Peturu, Kuuliangaako: wengi ide, hangko damani motuturua manu, talumi belana nusapuaka kanuisaNgku.”

Matiu 26:34

Nauli Yesu, “Kuuliangaako, wengi ide hangko damani motuturua manu, talumi belana nusapuakaNa.”

Markus 13:35

Mewali, ikamu wori hangangaa mainga-ingakau bona ane unga pea hawe ampu sou barakau nalambi tangami leta, lawi bara niisa ba impira kahaweana ampu sou, ba kalumba ba i tanga kaindi ba hungku mabaa ba madondo-dondo. Hangangaa mainga-ingakau, lawi bara niisa impira kahaweaNgku.

Markus 14:29

Nauli Peturu, “Kehapiri ope-opehe mopalehiKo Pue, agaiana iko bara!”

Markus 14:31

Agaiana hambela mani napakaroho Peturu lolitana, nauli, “Kehapirina mate hihimbela hai Oio, bara mpuu ina kusapuaka kakuisaMu!” Nodo wori pololitanda topeguruNa au ntanina.