Markus 14:26 - Sura Malelaha

²⁶ Roo indo, monanihe hampaka nani petoia. Karoonda monani, padumohe hangko i wanua laohe i Bulu Saitun.

Markus 14:26 교차 참조

Matiu 26:30

Roo indo, monanihe hampaka nani petoia. Karoonda monani, padumohe hangko i wanua lao i Bulu Saitun.

Lukasi 22:39

Nodo biasana, padumi Yesu hangko i wanua lao i Bulu Saitun hihimbela hai topeguruNa.

Pampetudungia 5:9

Monani-nanimohe hambua nani au wou, rauli: “Oiomi au hintoto modoko sura iti hai mobungkahi penena lawi rapapatemoKo; Hai waheMu au mabubu i kapateMu, Nupopoholomohe tauna i humalele dunia, i ope-ope kadatua, i ope-ope pemulea hai i hinangka basa. Hai Nuhuhuhe i Pue Ala.

Yakobu 5:13

Ane ara i olomi au molambi kapari, agina mekakae. Ane ara au matana, hangangaa monani motoia Pue Ala.

Kolose 3:16

Hangangaa nipailalu liliu Ngkorana Kerisitu. Mombepakaroho mpolalumokau hai mombepaturokau moula sukana kanotona lalumi. Mampolingakau nani petoia, hai nani pepomahile, hai nani ntanina au naweikau Inao Malelaha. Hangko i lalumi mpuu, monanikau manguli ngkaia kamaroana i Pue Ala.

1 Korintu 14:15

Mewali, apa au maroa kubabehi? Mekakaena i lalu basa au hangko i Inao Malelaha, hai mekakae worina i lalu basa au raisa ranganta. Monanina motoia Pue Ala i lalu basa au hangko i Inao Malelaha, hai monani worina motoia Pue Ala i lalu basa au raisa ranganta.

Suro 16:25

Tanga kaindi, Paulu hai Silas mekakae hai monanihe motoia Pue Ala. Naninda iti, rapehadingihe toratarunggu au ntanina.

Matiu 21:1

Hungkumohe i wanua Yerusale, hawehe i boea Betpage i Bulu Saitun. Inditi, Yesu motudu rodua topeguruNa moioru,

Markus 14:25

Bona niisa: mepongka ide-ide, anggoro ide barapi ina Kuenu duuna hawe tempona maenuNa anggoro au wou i lalu poparentana UmaNgku”

Yohane 18:1

Karoona Yesu mekakae, meangkami hai topeguruNa lao i raoa wanua. Mowetamohe lembo Kidron lao i bonde au ntanda i orupena.