Markus 14:18 - Sura Malelaha

¹⁸ Tanganda mohuda, mololitami Yesu, Nauli, “Tou mpuu lolitaNgku ide: hadua hangko irikamu au maande sambelake ide-ide, ina mampobaluNa.”

Markus 14:18 교차 참조

Yohane 6:70

Nauli Yesu, “Bara pae Ikoto au mopileikau au hampulo hai rodua ide? Agaiana hadua i olomi iami tokadake.”

Yohane 6:47

Tou lolitaNgku ide: hema au mepoinalai Iriko, molambihe katuwo maroa au bara mokahopoa.

Yohane 13:38

Nauli Yesu, “Pebai mpuuko pae mate anti peulamu Iriko? Tou lolitaNgku ide: Bona nuisa, hangko damani motuturua manu wengi ide, talumi belana nusapuakaNa.”

Yohane 13:21

Karoona Yesu mololita nodo, wiorami laluna, hai Nauli, “Tou mpuu lolitaNgku ide: hadua hangko irikamu ina mampobaluNa.”

Yohane 6:32

Nauli Yesu, “Tou mpuu lolitaNgku ide: bara nabi Musa au moweikau paande hangko i suruga. UmaNgkuri au moweikau paande au tou-tou hangko i suruga.

Yohane 6:26

Mehana Yesu, “Tou mpuu lolitaNgku ide: Kuisa apa tunggaiami mohaokiNa. NihaokiNa lawi mabuhumokau Kupaande, bara anti poisami lempona tanda au Kubabehi.

Yohane 5:19

Mewali mololitami Yesu irihira, Nauli, “Tou mpuu lolitaNgku ide: Nauri AnanaNa Pue Ala, baraNa peisa mobago moula peundeaKu haduduaNgku. Apa au Kuita Nababehi UmaNgku, batenami iti au Kupobago. Apa pea bagona UmaNgku, iti wori bagoNgku,

Yohane 3:11

Tou ide lolitangKu: Mampololitangkai apa au kiisa, mosabingkai apa au kiita. Agaiana barakau mau modoko lolitangki.

Yohane 3:5

Nauli Yesu, “Ane tauna bara rapoanaka hai owai hai kuasana Inaona Pue Ala, bara peisa mewali taunana Pue Ala i lalu poparentaNa. Lolitangku ide tou!

Yohane 3:3

Nauli Yesu, “Ane hadua tauna bara rapoanaka sule, bara peisa mewali taunana Pue Ala i lalu poparentaNa. Lolita ide tou.”

Yohane 1:51

Roo indo, nauli mbuli Yesu, “Tou mpuu lolitaNgku ide: ina niita langi tebungkahi hai malaekana Pue Ala mendaulu mengkahe mai Iriko, Ana Manusia.”

Lukasi 11:51

mepongka i karapapatena Habeli hawe i Sakaria au rapapate i tabangaa Souna Pue Ala i olo sou au malelaha hai meja pohuwea popenomba. Tauna au tuwo i tempo ide ina rahuku anti ope-ope babehia iti!

Lukasi 4:24

Napaliliu Yesu lolitaNa, Nauli, “Tou mpuu au Kuuliangaakau, bara ara hadua nabi au rabila i boeana haduduana.

Markus 14:25

Bona niisa: mepongka ide-ide, anggoro ide barapi ina Kuenu duuna hawe tempona maenuNa anggoro au wou i lalu poparentana UmaNgku”

Markus 14:9

Bona niisa: i humalele dunia, iumba pea Ngkora Marasa rabambari, apa au nababehi towawine iti batena tekabelai, tanda karakatuinaona.”

Markus 10:29

Nauli Yesu, “Bona niisa: hema au mopalehi halaluna, inana ba umana, anana ba souna ba bondena anti peulana Iriko hai anti Ngkora Marasa,

Markus 10:15

Tou lolitaNgku ide: ane barakau mengkoru i Pue Ala nodo hadua anangkoi, barakau ina mewali taunaNa i lalu poparentaNa.”

Markus 9:41

Bona niisa: hema pea au motulungikau anti peulami i Kerisitu, ina molambi hurungina i alo au ina mai. Kehapiri owai ntoo pea naweikau anti peulami i Kerisitu, ia ina molambi hurungina hangko i babehiana au maroa.

Markus 9:1

Nauli mbuli Yesu, “Nipehadingi maroa apa au Kuuliangaakau ide: arakau inde au bara ina mate hangko damani moita Pue Ala moparenta hai kuasaNa.”

Markus 8:12

Kanahadina Yesu lolitanda, meraroami i laluNa, Nauli, “Moapari tauna au tuwo tempo ide mamperapi tanda kuasa? Kuuliangaakau, barakau ina Kupopaitaa tanda kuasa nodo au niperapi.”

Markus 6:11

Ane ara ampu boea au barakau radoko ba au barahe madota mampehadingi lolitami, nipalehi boea iti, hai nitaronta awu au mentaka i palanta bitimi, iti tandana barapi ikamu au mohuru ane Nahukuhe Pue Ala.”

Markus 3:28

Mewali bona niisa: ope-ope dosa hai lolita pesapuaka peisa raampungi.

Matiu 26:21

Tanganda maande, nauli Yesu, “Tou mpuu ide lolitaNgku, hadua hangko irikamu ina mampobaluNa.”

Matiu 6:5

“Ane mekakaekau, ineekau nodo tauna au maroa peahe i humenda. Raunde meangka mekakae i lalu sou penombaa ba i porompengaa rara bona raita hai ratoiahe tauna. Mewali, anti karahumbanami petoianda ranganda, barapohe molambi pewati hangko i Pue Ala.

Matiu 6:2

Mewali, ane motulungikau tauna au meahi-ahi, inee nipopaisa i tauna bosa, nodo au rababehi tauna au maroa i raoa pea. Ihira mampetudungia kamaroana lalunda i lalu sou penombaa ba i rara au mahile bona ratoia hangka ranganda. Bara ara apa-apa au ina rahumba hangko i Pue Ala, lawi rahumbami petoia hangko i ranganda.

Matiu 5:18

Tou mpuu au Kuuliangaakau, ope-ope lolita au teuki i lalu Sura Aturana Pue Ala hangangaa mewali. Ane ara mani langi hai dunia ide, batena bara ara hambua lolita i lalu Aturana Pue Ala au bara ina mewali, nauri au koi ntepuu.

Yohane 21:18

Tou mpuu lolitaNgku ide: i tempomu mani mangura, mowewe saduduako pekomu, hai laoko iumba pea peundeamu. Agaiana ane saemoko hangalo, ina mohuhuko taiemu rataka tauna ntanina hai raantiko lao i paidaa au bara nuunde.”

Matiu 6:16

“Ane mopuasakau, inee marinti lindomi nodohe tauna au maroa i raoa peahe. Ane mopuasahe, marinti lindonda hai raoaka barahe mewawalindo ba mekarabi bona raita tauna kamopuasanda. Nikatuinao, anti karalambinami petoia hangko i ranganda, barapohe molambi apa-apa hangko i Pue Ala.

Markus 14:17

Kaindina, hawemi Yesu hihimbela hai topeguruNa au hampulo hai rodua i hologa au rapasilolongami inona.

Markus 14:19

Karahadina lolitaNa iti, maparimi lalunda, hai mekunemohe hadua-hadua i Yesu, rauli, “Inee mpuu pae iko Pue?”

Lukasi 22:21

Agaiana nipehadingi hampai! Hadua hangko irikamu au maande sambelake ide-ide, ina mampobaluNa!

Yohane 13:18

Apa au Kupololita inona, barakau nakanai ope-ope. Hema-hema au Kupilei Kuisa, amimi poampena. Agaiana hangangaa tepabukei apa au teuki i lalu Sura Malelaha au manguli: ‘Hadua tauna au maande hihimbela hai Iko, ia au ina mampoiwaliNa.’

Yohane 13:22

Anti kawulinda topeguruNa, mombetototokimohe lawi bara raisa kahemana au Natunggai.