Markus 14:12 - Sura Malelaha

¹² I alo pepongkaa Posusa Roti Au Bara Raragii i tempona dimba Pasa rasambale, topeguruna Yesu mekune Iria, rauli, “Pue, iumba peundeaMu lao kipasilolonga paande Pasa au ina taande?”

Markus 14:12 교차 참조

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

Matiu 3:15

Agaiana nahanai Yesu, Nauli, “NuriumoNa. Hintotomi au nubabehi ide bona tapabukei ope-ope peundeana Pue Ala.” Hangko indo, nariu mpuumi.

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Markus 14:11

Matanamohe mohadi tunggaiana iti, hai radandiami rawei doi. Hangko inditi, Yudasi mohaokimi katepaka au maroa mohuhu Yesu irihira.

Markus 14:13

Mewali Natudumohe rodua topeguruNa, Nauliangaahe, “Laomokau i lalu wanua. Inditi ina nipohidupaa hadua tobalilo au moanti pantambuana au moihi owai. Meulamokau iria.