Markus 14:11 - Sura Malelaha

¹¹ Matanamohe mohadi tunggaiana iti, hai radandiami rawei doi. Hangko inditi, Yudasi mohaokimi katepaka au maroa mohuhu Yesu irihira.

Markus 14:11 교차 참조

1 Timotiu 6:10

Lawi ane mampokaelu peamoke doi, itimi au mopaara ngkaia pakana babehia kadake. Arahe tauna au nodo, au mohaoki liliu peahe doi, alana mopalehihe pepoinalainda, hai narumpahe mampopengaa kapari.

Yudasi 1:11

Hurewumohe! Moula peahe rarana Kai hangkoia. Mampeulaihe babehiana Bileam, lawi nauri raisa babehianda masalami, batena iti au rababehi liliu, lawi mohaoki peahe doi. Nodo Kora hangkoia, ihira moewahe Pue Ala, hai batena Pue Ala ina mohuku mate worihe nodo Kora.

Matiu 26:15

napekunehe, “Ane kuhuhu Yesu i lalu taiemi, apa au ina niweina?” Raimbami doi pera talu pulona, pane rawei iria.

Matiu 26:14

I tempo iti, hadua hangko i topeguruNa au hampulo hai rodua, au rahanga Yudasi Iskariot, lao i kapala-kapala tadulako mpenomba,

Markus 14:10

I tempo iti, hadua hangko i topeguruna Yesu au hampulo hai rodua, au rahanga Yudasi Iskariot, lao i kapala-kapala tadulako mpenomba, mampololita tunggaiana kaina mampobaluna Yesu irihira.

Markus 14:12

I alo pepongkaa Posusa Roti Au Bara Raragii i tempona dimba Pasa rasambale, topeguruna Yesu mekune Iria, rauli, “Pue, iumba peundeaMu lao kipasilolonga paande Pasa au ina taande?”

Lukasi 22:3

Roo indo, Yudasi au rahanga wori Iskariot, hadua hangko i topeguruna Yesu au hampulo hai rodua, napesuangimi Datu Tokadake.