Markus 13:26 - Sura Malelaha

²⁶ I tempo iti, ope-ope tauna ina moitaNa, Ana Manusia, mendaulu mai i lalu gawu, i lalu kamakuasa hai peawa.

Markus 13:26 교차 참조

Pampetudungia 1:7

Peita! Ora mai i lalu gawu! Ia ina raita ope-ope tauna, tepesua tauna au motambuku lompeNa hangkoia. Hai ope-ope tauna i dunia ina moteriahe. Nodo mpuumi pewalina! Amin!

Markus 14:62

Nahanai Yesu, Nauli, “Io, Ikomi, hai ina niitaNa, Iko Ana Manusia, mohuda ntanda i koanana Pue Ala au makuasa, hai ina niita woriNa mai mendaulu hangko i suruga i lalu gawu.”

Matiu 24:30

I tempo iti, ina ara tanda i langi au mampopaisa kahaweNgku, Iko Ana Manusia. Hai ope-ope tauna i dunia ina moteria, lawi raitaNa mai i wongko gawu. Ina makuasaNa hai meawa ntepuuNa.

Matiu 16:27

Hambela tempo Iko Ana Manusia ina maiNa hangko i suruga mampetudungia peawana tuwoNgku au himbela hai peawana tuwona UmaNgku. I tempo iti, bosa wori malaeka ina moulaNa, hai batena Kuhurungi babehianda ope-ope tauna.

Matiu 25:31

“Iko Ana Manusia, ane hawe suleNa, ina meawaNa hai mahile mpuu kamakuasaNgku, hai ina raporangaiNa ope-ope malaeka. Ina mohudaNa i pohudaa kadatuaNgku au meawa.

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

1 Tesalonika 4:16

Lawi i tempona Pue Yesu mendaulu hangko i suruga, ina tahadi hampai pekakiona tadulakonda malaeka hai pomoni tatamburuna Pue Ala. Hai i tempo iti, ina tuwo hulehe ope-ope tomate au mepoinalai i Kerisitu.

Suro 1:11

Rauli tauna au rodua iti, “Ee to Galilea! Moapari hai mengoa liliukau? Yesu au niita teangka lao i suruga ina mai hule hangko i suruga nodo au niita inona.”

Matiu 16:17

Nauli Yesu, “Simo anana Yunu, morasi mpuuko, lawi bara manusia au mampopaisaako iti, agaiana UmaNgkuri au ara i suruga.

Matiu 16:28

Nipehadingi maroa apa au Kuuliangaakau ide: arakau inde au bara ina mate hangko damani moita, Iko Ana Manusia, hawe nodo Datu.”

Markus 9:1

Nauli mbuli Yesu, “Nipehadingi maroa apa au Kuuliangaakau ide: arakau inde au bara ina mate hangko damani moita Pue Ala moparenta hai kuasaNa.”

Lukasi 21:27

I tempo iti, tauna ina moitaNa, Iko Ana Manusia, mendaulu mai hangko i wongko gawu. Ina makuasaNa hai meawa ntepuuNa.

2 Peturu 1:16

Kipaturoakau kamahilena kuasana Amputa Yesu Kerisitu hai kaina haweNa hule i dunia. Au kipaturoakau ide, bara pea lolita au rababehi. Kiisa apa au kipaturoakau, lawi kisabiki mata peawana tuwona Yesu.