Markus 13:19 - Sura Malelaha

¹⁹ Lawi i tempo iti, ina hawe kapari au rumihi ntepuu au bara mani hambela mewali hangko i nguru-nguruna i tempona Pue Ala mampopewali dunia duuna ide-ide, hai barapi ina mewali i alo au ina mai.

Markus 13:19 교차 참조

Matiu 24:21

Lawi i tempo iti, ina hawe kapari au rumihi ntepuu au bara mani hambela mewali hangko i pewalina dunia duuna ide-ide, hai bara wori ara au ina mewali nodo i alo au i bokona.

Markus 10:6

Agaiana hangko i pewalina dunia, i tempona Pue Ala mampopewali manusia, ‘Napopewalihe tobalilo hai towawine.’

Markus 13:18

Mekakaekau i Pue Ala bona alo pelangkaami iti inee i tempo uda.

Markus 13:20

Agaiana tempo kapari iti ina napahampalai pea Pue Ala, lawi ane bara Napanodo, bara ina ara hadua au tuwo. Mewali, anti pampokaahiNa tauna au Napilei, ido hai ina Napahampalai pea tempo kapari iti.

Pampetudungia 7:14

Kuhanai: “Barahe kuisa, ampu. Nuuliangaa wongkoia.” Nauliangaana: “Ihira iti, tauna au mamporaraimohe au rauli Tempo Pepopeahi-ahi au Rumihi Ntepuu. Hampinda rabahoi hai wahena Ana Dimba bona mewali bula.