Markus 13:14 - Sura Malelaha

¹⁴ “Hangkoia nabi Danieli mampololita kahawena hadua au rauli ‘Dake au Mepamaropu.’ (Hema au mobasa lolita ide, niparesa lempona!) Mewali, ane niita au natunggai Danieli iti meangka i paidaa au bara rapaliua napaidai, agina tauna au maida i Yudea melangkahe lao i bulu.

Markus 13:14 교차 참조

Pampetudungia 13:18

Hangangaa taperapi kanoto lalu hangko i Pue Ala bona taisa lempona lolita ide. Hema au mapande, peisahe moimba hai moisa lempona angka binata iti. Lawi angka iti, iami hangana hadua tauna. Hai angka iti iami ini atuna ini pulona hai ini.

Pampetudungia 1:3

Morasihe tauna au mobasaahe tauna ntanina lolita ide, hai morasi worihe au mampehadingi hai mampeulai apa au teuki i lalu sura ide, lawi barapi mahae ope-ope ide hangangaa mewali.

1 Korintu 14:20

Halalu! Ineekau nodo pekiri anangkoi, hangangaa manoto lalumi nodo hadua tosae. Agaiana i babehiami, ikamu hangangaa nodokau hadua analei au bara mani naisa mobabehi apa au kadake.

Matiu 13:51

Roo indo, Yesu mekune i topeguruNa, Nauli, “Ba niisa lempona ngkora pandiri inona?” Rahanai, “Kiisato.”