Markus 13:10 - Sura Malelaha

¹⁰ Hai Ngkora Marasa hangangaa rapahawe hampai i humalele dunia, hangko peisari mewali ope-ope au natunggai Pue Ala.

Markus 13:10 교차 참조

Matiu 24:14

Hai Ngkora Marasa kana i poparentana Pue Ala batena rabambari i humalele dunia bona rahadi ope-ope tauna, hangko haweri kahopoa dunia.”

Kolose 1:23

ane mepoinalai liliukau, mantahakau, hai barakau mampogiangaa tauna mopakanawokau. Mewali halalu, hangangaa nipakaroho peulami i paturo au nihadimi. Ineekau mokabaha peharungami i apa au nadandiamokau Pue Ala i lalu Ngkora Marasa. Ngkora Marasa iti rabambarimi i humalele dunia. Hai iko wori, mewalina hawina Pue au mopahawe Ngkora Marasa iti.

Pampetudungia 14:6

Moita worina hadua malaeka ntanina au membaro i laerawa. Malaeka iti mobambari Ngkora Marasa au bara ara katebaliana hawe i hae-haena. Ngkora Marasa iti nabambari i humalele tauna i dunia, i ope-ope kadatua, ope-ope pemulea hai i hinangkana basa.

Kolose 1:6

Ngkora Marasa iti, tebambarimi i humalele dunia alana kabosa-bosaa tauna au mepoinalai i Pue Yesu hai mobabehi apa au maroa. Himbela hai au mewali irikamu, halalu. I kamohadimi Ngkora Marasa iti, liliumokau mepoinalai i Pue Yesu, alana moisa ntepuukau kabulana laluna Pue Ala irikita.

Roma 10:18

Mewali, inee tapehangu bambari maroa iti bara mani rahadi to Isaraeli. Manoto rahadimi! I lalu Sura Malelaha teuki node: “Bambari iti tehawukami i humalele dunia, hai ngkora iti rapahawemi i ope-ope tauna iumba pea kaaranda.”

Markus 16:15

Nauliangaahe Yesu, “Laomokau i humalele dunia, mopahawe Ngkora Marasa i ope-ope tauna.

Roma 15:19

hai anti tanda-tanda kuasa au kubabehi hai kuasana Inao Malelaha. Hangko i wanua Yerusale hawe i tampo Ilirikum, kupahawemi Ngkora Marasa i ope-ope tauna, kupaturoahe kahemana Kerisitu.

Roma 1:8

Ioru, mopahawena katana lalungku i Ampuku Pue Ala i lalu hangana Yesu Kerisitu, anti kaikamuna halalu, lawi tebambarimi i humalele dunia kamarohona pepoinalaimi i Pue Yesu.

Matiu 12:41

I alo pebotusi i kahopoa dunia, ampu boea Niniwe ina rapatuwo hule hihimbela hai ikamu au tuwo ide-ide, hai ihira ina motudungiakau salami, lawi menosomohe hangko i dosanda i pohadinda lolitana nabi Yunu. Agaiana ide-ide arami i olomi au meliu kamahilena tuwoNa pane nabi Yunu, hai bara nipoinalai lolitaNa.